കാരുണ്യത്തിന്റെ കൈനീട്ടം’മാതൃകയായി ഓട്ടോ തൊഴിലാളി അബ്ദുൽ സലാം

ചങ്ങരംകുളം:റമളാനിലെ രണ്ടാം വെള്ളിയാഴ്ച താൻ ഓട്ടോ ഓടി ലഭിച്ച മുഴുവൻ വരുമാനവും സിഎച്ച് സെന്റർ പ്രവർത്തനങ്ങൾക്കായി നീക്കിവെച്ച് പെരുമുക്ക് യൂണിറ്റ് മുസ്‌ലിം ലീഗ് ഭാരവാഹി കൂടിയായ അബ്ദുൽ സലാം. കഴിഞ്ഞ ദിവസം നടന്ന ചങ്ങരംകുളം മേഖല മുസ്‌ലിം ലീഗ് ഇഫ്താർ സംഗമത്തിൽ വെച്ചാണ്, ഈ തുക സംസ്ഥാന മുസ്‌ലിം ലീഗ് സെക്രട്ടറിയേറ്റ് അംഗവും ജില്ലാ ട്രഷററുമായ അഷ്‌റഫ്‌ കോക്കൂരിന് കൈമാറിയത്.കഷ്ടപ്പെടുന്നവർക്കും രോഗികൾക്കും കൈത്താങ്ങാവുന്ന ഇത്തരം പ്രവർത്തികൾ ഏവർക്കും പ്രചോദനമാണെന്ന് നേതാക്കള്‍ പറഞ്ഞു