റംസാന്‍ കാലത്ത് യാത്രക്കാര്‍ക്ക് സൗജന്യ നോമ്പ് തുറ സൗകര്യവുമായി അബ്ദുട്ടിയും സുനിലും

ചങ്ങരംകുളം:വൈകിയിട്ട് 6 മണി കഴിഞ്ഞാല്‍ കവറിലിട്ട ഈത്തപ്പഴവും ഒരു ബോട്ടില്‍ വെള്ളവുമായി സംസ്ഥാന പാതയോരത്ത് അബ്ദുട്ടിയെയും സുനിലിനെയും കാണാം.റംസാന്‍ കാലത്ത് യാത്രക്കിടയില്‍ നോമ്പ് തുറക്കാന്‍ ബുദ്ധിമുട്ടുന്നവരെ സഹായിക്കാനാണ് പ്രതിഫലം ഒന്നും പ്രതീക്ഷിക്കാതെ നടത്തുന്ന ഈ സേവനം.റംസാന്‍ തുടങ്ങിയത് മുതല്‍ വളയംകുളം എംവിഎം സ്കൂളിന് അടുത്തുള്ള സെമി ഹമ്പിന് സമീപത്ത് ഇവരുണ്ടാകും.യാത്രക്കിടയില്‍ നോമ്പ് തുടക്കാന്‍ ആവശ്യമുള്ളവര്‍ ഇവിടെ വാഹനം നിര്‍ത്തും.സമൃദമായ വിഭവങ്ങള്‍ ഇല്ലെങ്കിലും അബ്ദുട്ടിയും സുനിലും ചേര്‍ന്ന് മനസറിഞ്ഞ് തരുന്ന കാരക്കയും വെള്ളവും കഴിച്ച് നോമ്പ് മുറിക്കുന്നതില്‍ ലഭിക്കുന്ന സംതൃപ്തിയും ഒന്ന് വേറെ തന്നെയാണ്.നിരവധി ആളുകള്‍ ഇവരുടെ നോമ്പ് തുറയില്‍ പങ്കാളികളാവുന്നു.യാത്രക്കാര്‍ക്ക് വലിയ സഹായമാണെന്നും ദൈവപ്രീതി മാത്രമാണ് ലക്ഷ്യമെന്നും അബ്ദുട്ടിയും സുനിലും പറയുന്നു.ചിയ്യാനൂര്‍ സ്വദേശിയായ സുനിലും വളയംകുളം സ്വദേശിയായ അബ്ദുട്ടിയും സുഹൃത്തുക്കളും പൊതു രംഗത്തും ജീവകാരുണ്യ രംഗത്തും പ്രദേശത്ത് റിറസാനിധ്യമാണ്