സംസ്ഥാന പാതയില്‍ കാളാച്ചാലില്‍ വാഹനാപകടം’ചികിത്സയില്‍ കഴിഞ്ഞ യുവാവ് മരിച്ചു

ചങ്ങരംകുളം:കാളാച്ചാലില്‍ നടന്ന വാഹനാപകടത്തില്‍ ഗുരുതരമായി പരിക്കേറ്റചികിത്സയില്‍ കഴിഞ്ഞ യുവാവ് മരിച്ചു.നെല്ലിശ്ശേരിയില്‍ താമസിച്ചിരുന്ന വേലായുധന്റെ മകന്‍ പ്രണവ് (24)ആണ് ചികിത്സയില്‍ ഇരിക്കെ മരിച്ചത്.രണ്ട് ആഴ്ച മുമ്പ് സംസ്ഥാന പാതയില്‍ കാളാച്ചാലില്‍ ആയിരുന്നു അപകടം.പ്രണവും സൂഹൃത്ത് അസ് ലവും സഞ്ചരിച്ച ബൈക്കില്‍ പുറകില്‍ വന്നിരുന്ന ജീറ്റൊ നിയന്ത്രണം വിട്ട് ഇടിക്കുകയായിരുന്നുവെന്നാണ് വിവരം.ഗുരുതരമായി പരിക്കേറ്റ പ്രണവിനെ നാട്ടുകാര്‍ ചേര്‍ന്ന് എടപ്പാളിലെ സ്വകാര്യ ആശുപത്രിയിലും പിന്നീട് പെരിന്തല്‍മണ്ണ ഇഎംഎസ് ആശുപത്രിയിലും എത്തിക്കുകയായിരുന്നു.കാളാച്ചാലില്‍ കാര്‍ വാഷില്‍ ജീവനക്കാരനായിരുന്നു.മൃതദേഹം നടപടിക്രമങ്ങള്‍ പൂര്‍ത്തിയാക്കി ബന്ധുക്കള്‍ക്ക് വിട്ട് നല്‍കും