എടപ്പാള്‍:ഭൂമിയുടെ വില കുറച്ച് വച്ച് രജിസ്‌റ്റർ ചെയ്ത കേസുകളില്‍ തീർപ്പാക്കൽ പദ്ധതിയുമായി എടപ്പാൾ സബ് രജിസ്ട്രാർ ഓഫീസ്.1986 മുതൽ 2017 മാർച്ച് വരെ റിപ്പോർട്ട് ചെയ്ത കേസുകളിൽ സെറ്റിൽമെന്റ് കമ്മീഷൻ മുഖേനെ ബാദ്ധ്യതതുകയായ മുദ്രവിലയുടെ 60%വും രജിസ്ട്രേഷൻ ഫീസിൽ പരമാവധി 75% വും ഇളവുകൾ നൽകിയാണ് എടപ്പാൾ സബ് രജിസ്ട്രാർ ഓഫീസ് ഒറ്റതവണ തീര്‍പ്പാക്കല്‍ പദ്ധതി ഒരുക്കിയിരിക്കുന്നത്.
2017 ഏപ്രിൽ 1 മുതൽ 2023 മാർച്ച് 31 വരെ റിപ്പോർട്ട് ചെയ്യപ്പെട്ടിട്ടുള്ള കേസുകളിൽ കോംപൌണ്ടിംഗ് പദ്ധതി പ്രകാരം മുദ്രവില യുടെ 50% മാത്രം അടച്ച് ഇപ്പോള്‍ കേസുകൾ തീർപ്പാക്കാം.രജിസ്ട്രേഷൻ ഫീസ് പൂർണ്ണമായും ഒഴിവാക്കിയാണ് ഈ മാസം 31വരെ കേസ് തീര്‍പ്പാക്കല്‍ പദ്ധതി.പദ്ധതിയുടെ ഭാഗമായി മാര്‍ച്ച് 11ന് എടപ്പാൾ സബ്ബ് രജിസ്ട്രാർ ഓഫീസിൽ വെച്ച് നടത്തുന്ന അദാലത്തിൽ പങ്കെടുത്ത് ഈ അനൂകൂല്യം പ്രയോജനപ്പെടുത്തണമെന്ന് എടപ്പാൾ സബ് രജിസ്ട്രാര്‍ ഓഫീസര്‍ അറിയിച്ചു.
