സ്വാപ്പ് മാർക്കറ്റുമായി പാവിട്ടപ്പുറം അസ്സബാഹ് ഹയർസെക്കണ്ടറി സ്കൂൾ വിദ്യാർത്ഥിനികൾ

ചങ്ങരംകുളം:വിദ്യാർത്ഥി ഹരിതസേനയുടെ വികസന പ്രവർത്തനങ്ങളുടെ ഭാഗമായി പാവിട്ടപ്പുറം അസ്സബാഹ് ഹയർസെക്കണ്ടറി സ്കൂളിൽ വിദ്യാർത്ഥികൾസ്വാപ്പ് മാർക്കറ്റ് സംഘടിപ്പിച്ചു.സ്കൂളിലെ ഹരിതസേനാ അംഗങ്ങളായ വിദ്യാർത്ഥികൾ ഉപയോഗയോഗ്യ മായ വസ്ത്രങ്ങൾ വിദ്യാർത്ഥികളിൽ നിന്നും അധ്യാപകരിൽ നിന്നും പരിസരപ്രദേശങ്ങളിൽ നിന്നും ശേഖരിക്കുകയും അർഹരായവർക്ക് കൈമാറ്റം ചെയ്യുകയും ആണ് ചെയ്തത്.അനാഥാലയങ്ങൾഉൾപ്പടെയുള്ള സ്ഥാപനങ്ങളിലേക്കാണ് ശേഖരിച്ച വസ്ത്രങ്ങൾ നൽകിയത് സ്കൂൾ പ്രിൻസിപ്പാൾ വില്ലിംഗ്ടൺപി.വി പരിപാടി ഉൽഘാടനം ചെയ്തു.ഹരിതസേന സ്കൂൾ കൺവീനർ സുവിത കെ പരിപാടിക്ക് നേതൃത്വം നൽകി.