വാട്സാപ്പ് വെബ്ബിൽ തകരാർ, ലോഗിൻ ചെയ്യാനാവാതെ കുഴങ്ങി ഉപയോക്താക്കൾ

വാട്സാപ്പ് വെബ്ബിൽ ലോഗിൻ ചെയ്യാനാകാതെ കുഴങ്ങി ഉപഭോക്താക്കൾ. വെള്ളിയാഴ്ച രാവിലെയാണ് വാട്സാപ്പ് വെബ്ബിൽ വ്യാപകമായി തടസ്സം നേരിട്ടത്. എട്ടുമണി മുതൽതന്നെ പ്രശ്നങ്ങൾ നേരിട്ടുതുടങ്ങിയതായി ഡൗൺ ഡിറ്റക്ടർ വെബ്സൈറ്റ് വ്യക്തമാക്കുന്നു. 10 മണിയായപ്പോഴേക്കും 50-ലേറെ റിപ്പോർട്ടുകളാണ് ഡൗൺ ഡിറ്റക്ടർ വെബ്സൈറ്റിൽ വന്നിട്ടുള്ളത്.ഓഫീസുകളിലും മറ്റും വിവരകൈമാറ്റത്തിനും ആഭ്യന്തര ആശയവിനിമയങ്ങൾക്കും വാണിജ്യ ആവശ്യങ്ങൾക്കുമായി ഉപയോഗപ്പെടുത്തുന്ന സേവനമാണ് വാട്സാപ്പ് വെബ്ബ്. അതുകൊണ്ടുതന്നെ ഇതിന്റെ തകരാർ ഏറെ ബാധിച്ചിട്ടുണ്ടാവുക സ്ഥാപനങ്ങളെയും ജീവനക്കാരെയുമായിരിക്കും.വാട്സാപ്പ് വെബ്ബിൽ നേരത്തെ ലോഗിൻ ചെയ്തവർക്ക് പ്രശ്നമില്ലെന്നാണ് വിവരം. പുറത്തുകടന്ന് വീണ്ടും ലോഗിൻ ചെയ്യാൻ ശ്രമിക്കുമ്പോൾ സാധിക്കാത്തതാണ് പ്രശ്നം. ഇതുമായി ബന്ധപ്പെട്ട് മെറ്റ ഔദ്യോഗികമായി പ്രതികരിച്ചിട്ടില്ല.