അധിക്ഷേപ മുദ്രാവാക്യത്തില്‍ സിപിഐഎം നേതാവ് ചിന്താ ജെറോമിനെതിരെ കേസ്.

അധിക്ഷേപ മുദ്രാവാക്യത്തില്‍ സിപിഐഎം നേതാവ് ചിന്താ ജെറോമിനെതിരെ കേസ്. കോണ്‍ഗ്രസ് കൊല്ലം ഇരവിപുരം മണ്ഡലം കമ്മിറ്റിയുടെ പരാതിയില്‍ ഇരവിപുരം പോലീസ് ആണ് കേസെടുത്തത്. സമൂഹസ്പര്‍ദ്ധ ഉണ്ടാക്കി കലഹം സൃഷ്ടിക്കണമെന്ന ഉദ്ദേശത്തോടെ ജാഥ സംഘടിപ്പിച്ചെന്നാണ് പരാതി. ചിന്തയുള്‍പ്പെടെ കണ്ടാലറിയാവുന്ന 50 ഓളം പേര്‍ക്കെതിരെയാണ് കേസ്
കെഎസ്‌യു പ്രതിഷേധത്തിനിടെ ആരോഗ്യമന്ത്രി വീണ ജോര്‍ജിന് പരുക്കേറ്റ സംഭവത്തില്‍ പ്രതിഷേധിച്ചാണ് ഡിവൈഎഫ്‌ഐ പ്രകടനം നടന്നത്. പ്രകടനത്തില്‍ ചിന്ത ഉള്‍പ്പെടെ വിളിച്ച സ്ത്രീ വിരുദ്ധ മുദ്രാവാക്യങ്ങള്‍ സോഷ്യല്‍ മീഡിയയില്‍ ചര്‍ച്ചകള്‍ക്ക് വഴിവച്ചിരുന്നു. കോണ്‍ഗ്രസ് കൊല്ലൂര്‍വിള മണ്ഡലം കമ്മിറ്റി പ്രസിഡന്റ് റിയാസുദ്ദന്‍ റാവുത്തറാണ് പരാതി നല്‍കിയത്.