വിവാഹം കഴിഞ്ഞ് ഒരു വര്‍ഷം’ചങ്ങരംകുളത്ത് യുവതിയെ വീടിനകത്ത് മരിച്ച നിലയില്‍ കണ്ടെത്തി

ചങ്ങരംകുളം:വിവാഹിതയായ യുവതിയെ സ്വന്തം വീട്ടില്‍ മരിച്ച നിലയില്‍ കണ്ടെത്തി.ചങ്ങരംകുളം ചിയ്യാനൂര്‍ സ്വദേശിയായ അരുവായില്‍ അസറിന്റെ ഭാര്യ കുറ്റിപ്പുള്ളിയില്‍ അസ്ന എന്ന 20 കാരിയെയാണ് ടിപ്പു നഗറിലുള്ള സ്വന്തം വീട്ടില്‍ മരിച്ച നിലയില്‍ കണ്ടെത്തിയത്.വെള്ളിയാഴ്ച കാലത്ത് വീടിന്റെ മുകളിലെ നിലയിലെ ബെഡ്റൂമില്‍ തൂങ്ങിയ നിലയില്‍ കണ്ട അസ്നയെ വീട്ടുകാരും ബന്ധുക്കളും ചേര്‍ന്ന് ചങ്ങരംകുളം സണ്‍റൈസ് ആശുപ്രത്രിയില്‍ എത്തിച്ചെങ്കിലും മരണം സംഭവിച്ചിരുന്നു.ഒരു വര്‍ഷം മുമ്പാണ് അസ്നയുടെ വിവാഹം നടന്നത്.രണ്ട് ദിവസം മുമ്പാണ് അസ്ന ചിയ്യാനൂരിലുള്ള ഭര്‍ത്താവിന്റെ വീട്ടില്‍ നിന്ന് ടിപ്പുനഗറിലുള്ള സ്വന്തം വീട്ടിലേക്ക് നില്‍കാന്‍ പോയത്.എടപ്പാളില്‍ മൊബൈല്‍ ഷോപ്പ് ജീവനക്കാരനാണ് ഭര്‍ത്താവ് അസര്‍.മോര്‍ച്ചറിയില്‍ സൂക്ഷിച്ച മൃതദേഹം നടപടിക്രമങ്ങള്‍ പൂര്‍ത്തിയാക്കി പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ട് നല്‍കും.സംഭവത്തില്‍ ചങ്ങരംകുളം പോലീസ് അസ്വഭാവിക മരണത്തിന് കേസെടുത്ത് അന്വേഷണം ആരംഭിച്ചു