മലപ്പുറം ‘ദുരാചാര കൊല’ കേസ്:ഒന്നുമുതൽ അഞ്ചുവരെ പ്രതികൾ കുറ്റക്കാർ; ശിക്ഷ നാളെ

മലപ്പുറം മങ്കടയിൽ നടന്ന ‘ദുരാചാര കൊല’ കേസിൽ അഡീഷണൽ സെഷൻസ് കോടതി ഇന്ന് വിധി പ്രസ്താവിച്ചു.കേസിലെ ഒന്നാം പ്രതി മുതൽ അഞ്ചാം പ്രതിവരെ കുറ്റക്കാരാണെന്ന് കോടതി കണ്ടെത്തി.അതേസമയം, ആറാം, ഏഴാം, എട്ടാം പ്രതികളെ തെളിവുകളുടെ അഭാവത്തിൽ കോടതി വെറുതെ വിട്ടു.കേസിൽ ശിക്ഷ നാളെ പ്രഖ്യാപിക്കുമെന്ന് കോടതി അറിയിച്ചു. ശിക്ഷാ വിധിക്കായി കോടതി നടപടികൾ തുടരുകയാണ്.പ്രോസിക്യൂഷൻ വാദം മുന്നോട്ട് വച്ചത് സ്പെഷ്യൽ പ്രോസിക്യൂട്ടർ വിജി മാത്യു ആയിരുന്നു.കേസിൽ പ്രോസിക്യൂഷൻ സമർപ്പിച്ച സാക്ഷിമൊഴികളും ശാസ്ത്രീയ തെളിവുകളും കോടതി പരിഗണിച്ചാണ് കുറ്റക്കാരെ കണ്ടെത്തിയത്.മങ്കടയിൽ ‘സദാചാര പോലീസ്’ ചമഞ്ഞ് നടത്തിയ മർദ്ദനത്തിനൊടുവിൽ നസീർ കൊല്ലപ്പെട്ട സംഭവമാണ് കേസിന് ആധാരം. വിധി പുറത്തുവന്നതോടെ പ്രദേശത്ത് പോലീസ് സുരക്ഷ ശക്തമാക്കിയിട്ടുണ്ട്.ശിക്ഷാ വിധി നാളെ പ്രഖ്യാപിക്കുമ്പോൾ കേസിന്റെ അന്തിമഘട്ടം പൂര്‍ത്തിയാകും.