ചങ്ങരംകുളം: സഖാവ് കുട്ടൻനായർ സ്മരണാർത്ഥം ചങ്ങരംകുളം സഖാക്കൾ വാട്സാപ്പ് കൂട്ടായ്മ ഏർപ്പെടുത്തിയ പുരസ്കാരം പ്രശസ്ത എഴുത്തുകാരനും സാംസ്കാരിക പ്രവർത്തകനുമായ ആലങ്കോട് ലീലകൃഷ്ണന് സമർപ്പിക്കും. നാളെ ജൂലൈ 18, ശനി ഉച്ചയ്ക്ക് 2.30-ന് മൂക്കുതല കണ്ണേക്കാവ് മുക്തിസ്ഥലേശ്വരി ഹാളിൽ നടക്കുന്ന ചടങ്ങിൽ മുൻ എം എൽ എ യും സി പി ഐ എം സംസ്ഥാന കമ്മിറ്റി അംഗം എം.ബി. രാജേഷ് പുരസ്കാര സമർപ്പണവും അനുസ്മരണ സമ്മേളന ഉദ്ഘാടനവും നിർവഹിക്കും.
നാടിന്റെ സാമൂഹിക-സാംസ്കാരിക രംഗങ്ങളിൽ സജീവ സാന്നിധ്യമായിരുന്ന സഖാവ് കുട്ടൻനായരുടെ ഓർമ്മ പുതുക്കുന്നതിനായി വാട്സാപ്പ് കൂട്ടായ്മ വർഷംതോറും നടത്തിവരുന്ന പരിപാടിയുടെ ഭാഗമായാണ് ചടങ്ങ് സംഘടിപ്പിക്കുന്നത്.
ഉദ്ഘാടന ചടങ്ങിൽ ഡോ. കെ.ടി. ജലീൽ, വി.പി. അനിൽ, പി. നന്ദകുമാർ , പി. ജ്യോതിഭാസ്, പ്രൊഫ. എം.എം. നാരായണൻ, ഡോ. വി. മോഹനകൃഷ്ണൻ തുടങ്ങിയ പ്രമുഖ സാംസ്കാരിക-രാഷ്ട്രീയ നേതാക്കൾ പങ്കെടുക്കുമെന്ന് ഭാരവാഹികൾ അറിയിച്ചു.
