പണിമുടക്ക് ഹര്‍ത്താലായി’ചങ്ങരംകുളത്തും എടപ്പാളും കടകള്‍ അടപ്പിച്ചു’വാഹനങ്ങള്‍ തടഞ്ഞു

ചങ്ങരംകുളം:വിവിധ ട്രേഡ് യൂണിയന്‍ സംഘടനകള്‍ ആഹ്വാനം ചെയ്ത 24 മണിക്കൂര്‍ ദേശീയ പണിമുടക്ക് ജില്ലയില്‍ ഹര്‍ത്താലായി മാറി.ഒറ്റപ്പെട്ട സ്വകാര്യ വാഹനങ്ങള്‍ മാത്രമാണ് സര്‍വ്വീസ് നടത്തിയത്.കടകള്‍ പൂര്‍ണ്ണമായും അടഞ്ഞ് കിടന്നു.ചങ്ങരംകുളത്തും എടപ്പാളും തുറന്ന് പ്രവര്‍ത്തിച്ച ഒറ്റപ്പെട്ട കടകളും ബാങ്കുകളും സമരാനുകൂലികള്‍ അടപ്പിച്ചു കടകള്‍ അടപ്പിച്ചു.ചരക്ക് ലോറികള്‍ അടക്കമുള്ള വാഹനങ്ങള്‍ സമരക്കാര്‍ തടഞ്ഞിട്ടതിന് ശേഷം അല്‍പ സമയത്തിന് ശേഷം വിട്ടയക്കുകയായിരുന്നു.പെട്രോള്‍ പമ്പുകളും ഹോട്ടലുകളും മെഡിക്കല്‍ സ്റ്റോറുകളും അടക്കം പലയിടത്തും അടഞ്ഞു കിടന്നു.പണിമുടക്ക് പൂര്‍ണ്ണമായിരുന്നെങ്കിലും പൊതുജനങ്ങളെയും അവശ്യ സര്‍വ്വീസുകളെയും പൊതു പണിമുടക്ക് ബാധിച്ചില്ല.അനിഷ്ട സംഭവങ്ങള്‍ ഉണ്ടാവാതിരിക്കാന്‍ ശക്തമായ പോലീസ് പെട്രോളിങും മേഖലയില്‍ ഉണ്ടായിരുന്നു