എസ് വൈ എസ് കേരള യുവജന സമ്മേളനം :സൗഹൃദ ചായ സംഘടിപ്പിച്ചു

ചങ്ങരംകുളം:ഉത്തരവാദിത്വം മനുഷ്യപ്പറ്റിൻ്റെ രാഷ്ട്രീയം എന്ന പ്രമേയത്തിൽ 2024 ഡിസംബറിൽ തൃശ്ശൂരിൽ നടക്കുന്ന എസ് വൈ എസ് പ്ലാറ്റിനം ഇയറിൻ്റെ ഭാഗമായി കക്കിടിപ്പുറം യൂണിറ്റ് സൗഹൃദ ചായ സംഘടിപ്പിച്ചു.
ഗ്രാമങ്ങളിൽ ബന്ധങ്ങളും സൗഹൃദങ്ങളും ഉറപ്പുവരുത്തിയിരുന്ന ചായ മക്കാനികൾ, തണൽ മരച്ചുവടുകൾ,പൊതു ഇടങ്ങൾ പുതുതലമുറക്ക് അന്യമാവുന്ന സാഹചര്യത്തിൽ പരസ്പരം മനസ്സു തുറന്നു സംസാരിക്കാനുള്ള അവസരങ്ങൾ സമൂഹത്തിൽ ആവശ്യമാണെന്ന് സന്ദേശം കൈമാറിയാണ് സൗഹൃദ ചായ സംഘടിപ്പിക്കുന്നത് .സംഗമം പെരുമ്പടപ്പ് ബ്ലോക്ക് പഞ്ചായത്ത് മെമ്പർ എം.ടി രാംദാസ് ഉദ്ഘാടനം നിർവഹിച്ചു. കേരള മുസ്‌ലിം ജമാഅത്ത് എടപ്പാൾ സോൺ സെക്രട്ടറി പി പി നൗഫൽ സഅദി സന്ദേശ പ്രഭാഷണം നടത്തി. കക്കിടിപ്പുറം മഹല്ല് പ്രസിഡൻ്റ് കെ.വി അഷ്റഫ് സഅദി, സി.കെ വാപ്പിനു ഹാജി, രാജൻ മാസ്റ്റർ പന്താവൂർ, അബ്ദുള്ളക്കുട്ടി അൽ ഖാസിമി, മുഹമ്മദലി ഫൈസി, കെ അബ്ദുസലാം സഅദി, അഫ്സൽ സഅദി, കെ.പി അഷ്റഫ് മുസ്‌ലിയാർ,അബൂബക്കർ ബാഖവി, കെ.പി ഉമർ സഖാഫി ,സലീം ഫാളിലി, മുഹ്സിൻ അഹ്സനി, ഹസ്സൻ റഹ്മാനി, മസ്ഹൂദ് ഫാളിലി പ്രസംഗിച്ചു.