നന്നംമുക്ക് പഞ്ചായത്തിലെ ഹരിതകര്‍മ്മ ശേഖരിച്ച പ്ളാസ്റ്റിക് മാലിന്യത്തിന് തീപിടിച്ചു’തീ അണക്കാന്‍ ശ്രമിച്ച നാട്ടുകാര്‍ക്ക് ശാരീരിക അസ്വസ്ഥത’ഒരാളെ ആശുപത്രിയില്‍ എത്തിച്ചു

ചങ്ങരംകുളം:നന്നംമുക്ക് പഞ്ചായത്തിലെ ഹരിതകര്‍മ്മ ശേഖരിച്ച പ്ളാസ്റ്റിക് മാലിന്യത്തിന് തീപിടിച്ചു.വ്യാഴാഴ്ച രാത്രി 10 മണിയോടെയാണ് സംഭവം.നന്നംമുക്ക് സ്രായിക്കടവ് റോഡില്‍ സ്വകാര്യ കെട്ടിടത്തില്‍ ശേഖരിച്ച് വെച്ച പ്ളാസ്റ്റിക് മാലിന്യങ്ങള്‍ക്കാണ് തീപിച്ചത്.മാലിന്യത്തിന് തീ പിടിച്ചതോടെ പ്രദേശത്ത് അസഹ്യമായ ദുര്‍ഗന്ധവും പുകപടലങ്ങളും കൊണ്ട് നിറഞ്ഞു.നാട്ടുകാര്‍ വിവരം അറിയിച്ചതിനെ തുടര്‍ന്ന് പൊന്നാനിയില്‍ നിന്ന് ഫയര്‍ഫോഴ്സും സിവില്‍ ഡിഫന്‍സും സ്ഥലത്ത് എത്തി.നാട്ടുകാരും ഫയര്‍ഫോഴ്സും സിവില്‍ ഡിഫന്‍സ് അംഗങ്ങളും ചേര്‍ന്ന് ഏറെ നേരത്തെ പരിശ്രമത്തിന് ശേഷമാണ് തീ അണച്ചത്.ജെസിബി എത്തിച്ച് മാലിന്യം ഇളക്കി വെള്ളം അടിച്ചാണ് തീ പൂര്‍ണ്ണമായും കെടുത്താനായത്.ഇതിനിടെ തീ അണക്കാന്‍ ശ്രമിക്കുന്നതിനിടെ നാട്ടുകാരില്‍ ചിലര്‍ക്ക് ശാരീരിക അസ്വസ്ഥത അനുഭവപ്പെട്ടു.ശാരീക അസ്വസ്ഥത അനുഭവപ്പെട്ട നന്നംമുക്ക് സ്വദേശിയെ നാട്ടുകാര്‍ ചേര്‍ന്ന് ഇയാളെ ചങ്ങരംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു.ജനങ്ങള്‍ തിങ്ങി പാര്‍ക്കുന്ന പ്രദേശത്ത് മാലിന്യകൂമ്പാരത്തിന് തീ പിടിച്ചത് പ്രദേശത്തെ ഏറെ നേരം ആശങ്കയിലാക്കി.നന്നംമുക്ക് ഗ്രാമപഞ്ചായത്ത് പ്രസിഡണ്ടും മറ്റു മെമ്പര്‍മാരും സ്ഥലത്ത് എത്തി നാട്ടുകാര്‍ക്കൊപ്പം രക്ഷാപ്രവര്‍ത്തശങ്ങളില്‍ പങ്ക് ചേര്‍ന്നു.തീപിടിക്കാനുള്ള കാരണം വ്യക്തമല്ല