സംസ്ഥാന പാതയില്‍ പാല്‍വിതരണക്കാരനെ അക്രമിച്ച് സ്കൂട്ടറും പണവും കവര്‍ന്ന സംഭവം’പിന്നിൽ അന്തർ സംസ്ഥാന സംഘമെന്ന് സൂചന’പ്രതികള്‍ക്കായി അന്വേഷണം ഊര്‍ജ്ജിതമാക്കി പോലീസ്

ചങ്ങരംകുളം :സംസ്ഥാന പാതയിൽ ചങ്ങരംകുളത്ത് പാൽ വിതരണക്കാരനെ ആക്രമിച്ചു പണവും ബൈക്കും കവർന്ന സംഭവത്തിന് പിന്നിൽ അന്തർ സംസ്ഥാന കവർച്ച സംഘമെന്ന് സൂചന. കഴിഞ്ഞ ദിവസമാണ് കുറ്റിപ്പുറം തൃശ്ശൂര്‍ സംസ്ഥാന പാതയില്‍ വളയംകുളം അസ്സബാഹ് കോളേജിന് സമീപത്ത് വച്ച് പാൽ വിതരണം നടത്തുന്ന പടാട്ടിൽ കബീർ നെ ബൈക്കിൽ എത്തിയ സംഘം തടഞ്ഞ് നിര്‍ത്തി അക്രമിക്കുകയും സ്കൂട്ടറും സ്കൂട്ടറില്‍ സൂക്ഷിച്ച 20000 രൂപയും കവര്‍ച്ച ചെയ്തത്.സംഭവ സമയത്ത് ടൗണിൽ പട്രോളിംങിനിറങ്ങിയ ചങ്ങരംകുളം എസ് ഐ വിനു രാജ്,എസ് സി പി ഒ അഭിലാഷ് എന്നിവർ സംഘത്തെ പിന്തുടർന്നെങ്കിലും സംഘം തലനാരിഴക്ക് രക്ഷപ്പെടുകയായിരുന്നു,സി സി ടി വി ദൃശ്യങ്ങള്‍ കേന്ദ്രീകരിച്ച് ചങ്ങരംകുളം പോലീസ് നടത്തിയ പരിശോധനയില്‍ അക്രമി സംഘത്തെ പോലീസ് തിരിച്ചറിഞ്ഞിട്ടുണ്ട്.കാസർകോഡ് കേന്ദ്രീകരിച്ചു കവർച്ചകൾ നടത്തുന്ന സംഗമാണ് സംഭവത്തിന് പിന്നിലെന്നാണ് സൂചന. പ്രതികളെ കണ്ടെത്തുന്നതിനായി പോലീസ് പ്രത്യേക അന്വേഷണസംഘം രൂപീകരിച്ച് പരിശോധന ശക്തമാക്കിയിട്ടുണ്ട്