ചങ്ങരംകുളത്ത് ബൈക്കിലെത്തിയ സംഘം പാല്‍ വിതരണക്കാരനെ അക്രമിച്ച് ബൈക്കും പണവും മൊബൈല്‍ ഫോണും കവര്‍ന്നു

ചങ്ങരംകുളം:ബൈക്കിലെത്തിയ സംഘം പാല്‍ വിതരണക്കാരനെ അക്രമിച്ച് ബൈക്കും പണവും മൊബൈല്‍ ഫോണും കവര്‍ന്നു.കുറ്റിപ്പുറം തൃശ്ശൂര്‍ സംസ്ഥാന പാതയില്‍ ചങ്ങരംകുളം വളയംകുളത്ത് അസ്സബാഹ് കോളേജിന് സമീപം ശനിയാഴ്ച കാലത്ത് 7 മണിയോടെയാണ് സംഭവം.പാല്‍ വിതരണത്തിനായി എത്തിയ മാങ്കുളം സ്വദേശി കബീറിനെയെയാണ് ബൈക്കിലെത്തിയ സംഘം അക്രമിച്ചത്.രണ്ട് ബൈക്കുകളിലായി എത്തിയ മൂന്ന് പേരടങ്ങുന്ന സംഘമാണ് അക്രമണം നടത്തിയത്.പോലീസാണെന്ന് പറഞ്ഞാണ് സംഘം കബീറിനെ തടഞ്ഞ് നിര്‍ത്തിയത്. അക്രമികളാണെന്ന് തോന്നിയതോടെ കബീര്‍ ബൈക്ക് ഉപേക്ഷിച്ച് ഓടുകയായിരുന്നു. സംഭവത്തിനിടെ പെട്രോളിങിലുണ്ടായിരുന്ന പോലീസ് സംഘം എത്തിയെങ്കിലും അക്രമി സംഘം സ്കൂട്ടറും പണവും മൊബൈലും എടുത്ത് രക്ഷപ്പെടുകയായിരുന്നു.സംഭവത്തില്‍ ചങ്ങരംകുളം പോലീസ് അന്വേഷണം തുടങ്ങിയിട്ടുണ്ട്.പ്രദേശത്തെ സിസിടിവി കള്‍ പരിശോധന നടത്തി വരിയാണ് അന്വേഷണ സംഘം