സ്വർണവിലയിൽ വീണ്ടും വർധന

കഴിഞ്ഞ ദിവസം ചെറുതായൊന്ന് കുറഞ്ഞ സ്വർണ വിലയിൽ ഇന്ന് വർധന. കുറച്ച് കാലങ്ങളായി സ്വർണ വില ഏറിയും കുറഞ്ഞും പോകുകയായിരുന്നു. ഇന്നലെ വിലയിൽ ചെറിയ കുറവ് ദൃശ്യമായെങ്കിലും ഇന്ന് വൻ വർധനവാണ് സ്വർണ വിലയിൽ ഉണ്ടായിരിക്കുന്നത്.ഇന്നലെ 91760 രൂപയായിരുന്നു ഒരു പവൻ സ്വർണത്തിന് വില. എന്നാൽ അതിൽ നിന്നും 1,400 രൂപയോളം വർധിച്ച് 93,160 രൂപയിലെത്തി. ഒരു ഗ്രാം സ്വർണത്തിനാണെങ്കിൽ 11,645 രൂപയാണ് ഇന്ന്. ഇന്നലെ ഇത് 11470 രൂപയായിരുന്നു.അതേസമയം, ഈ വര്‍ഷം ഒരു പവൻ സ്വര്‍ണത്തിൻ്റെ വില ഒരു ലക്ഷം കടക്കുമെന്നാണ് സാമ്പത്തിക വിദഗ്ധര്‍ കരുതുന്നത്. നേരത്തെ ഒക്ടോബര്‍ മാസമാണ് ഒരു പവന് ഏറ്റവും കൂടുതല്‍ വില രേഖപ്പെടുത്തിയത്. 97,000 രൂപയും കവിഞ്ഞിരുന്നു. എന്നാല്‍ ഇപ്പോള്‍ കുറച്ച് ദിവസങ്ങളായി സ്വര്‍ണത്തിൻ്റെ വില കൂടിയും കുറഞ്ഞും നില്‍ക്കുകയാണ്.