ഡോക്ടര്‍ വികെ. അബ്ദുൾ അസീസിന്റെ പുസ്തക പ്രകാശനം 14ന് നടക്കും

തൃശൂർ: ദയ ഹോസ്പിറ്റൽ എംഡിയും എംടിഎം ട്രസ്റ്റ് ചെയർമാനുമായ ഡോക്ടര്‍ വികെ അബ്ദുൾ അസീസിന്റെ ആൾകണ്ണാടിക്ക് ശേഷം ഇറങ്ങുന്ന രണ്ടാമത്തെ കഥാ സമാഹാരമായ ‘വെളിയങ്കോടിന്റെ ഡി എൻ എ’യുടെ പ്രകാശനം സെപ്റ്റംബർ 14 ഞായറാഴ്ച വൈകുന്നേരം 5 മണിക്ക് തൃശൂർ സാഹിത്യ അക്കാദമി എം.ടി ഹാളിൽ വെച്ച് നടക്കും, പ്രശസ്ത കവിയും സാഹിത്യ അക്കാദമി പ്രസിഡന്റുമായ സച്ചിദാനന്ദനാണ് പുസ്തകത്തിന്റെ പ്രകാശനം നിർവഹിക്കുന്നത്.പ്രശസ്ത എഴുത്തുകാരനും സാഹിത്യ അക്കാദമി വൈസ് പ്രസിഡന്റുമായ അശോകൻ ചരുവിൽ പുസ്തകം സ്വീകരിക്കും.പി ബാലചന്ദ്രൻ എംഎല്‍എ മുഖ്യാതിഥിയായിരിക്കും.സാമൂഹിക-രാഷ്ടീയ പ്രവർത്തക ഷാജിറ മനാഫാണ് അദ്ധ്യക്ഷ. കെ. ജയരാജൻ (അഡ്മിനിസ്ട്രേറ്റർ,ദയ ആശുപത്രി)അഡ്വ.എം.എച്ച്. മുഹമ്മദ് ബഷീർ (സാമൂഹിക പ്രവർത്തകൻ)ഇ.സലാഹുദ്ദീൻ (മാധ്യമ പ്രവർത്തകൻ) ശശി കളരിയേൽ (മാധ്യമപ്രവർത്തകൻ, പ്രസിഡൻ്റ്,എഴുത്തുകൂട്ടം), സുനിത സുകുമാരൻ (എഴുത്തുകാരി), അനു വർഗ്ഗീസ് (ക്വാളിറ്റി അഷുറൻസ്, നഴ്സിംഗ് വിഭാഗം, ദയ ആശുപത്രി), സാനു ദേവസ്സി(സീനിയർ റിസപ്ഷനിസ്റ്റ്, ദയ ആശുപത്രി)എന്നിവർ ആശംസാ പ്രസംഗം നടത്തും.