ക്ഷീരകർഷക രതി മണികണ്ഠനെ ഭാരതീയ ജനതാ പാർട്ടി ആലങ്കോട് പഞ്ചായത്ത് കമ്മിറ്റി ആദരിച്ചു

ചങ്ങരംകുളം:കർഷക ദിനത്തിൽ ആലങ്കോട് പഞ്ചായത്തിലെ മികച്ച ക്ഷീരകർഷക രതി മണികണ്ഠനെ ഭാരതീയ ജനതാ പാർട്ടി ആലങ്കോട് പഞ്ചായത്ത് കമ്മിറ്റിയുടെ നേതൃത്വത്തിൽ ആദരിച്ചു.2024,ലെ മികച്ച ക്ഷീര കർഷകക്കുള്ള അവാർഡ് നേടിയിട്ടുണ്ട്.ഭർത്താവ് മണികണ്ഠൻ എട്ടു വർഷം മുൻപ് മരിച്ചിരുന്നു.മൂന്ന് കുട്ടികളുടെ മാതാവായ രതി
ഇപ്പോൾ 9 പശുക്കളുമായി പാൽ വില്പനയും പാലുകൊണ്ടുള്ള മറ്റ് ഉൽപ്പന്നങ്ങളുടെ വില്പനയുമായാണ് കുടുംബം കൊണ്ട് പോവുന്നത്.ബിജെപി ആലങ്കോട് പഞ്ചായത്ത് പ്രസിഡണ്ട് ബിബിൻ കോക്കൂർ അധ്യക്ഷത വഹിച്ച ചടങ്ങിൽ ജില്ലാ ഉപാധ്യക്ഷൻ പ്രസാദ് പടിഞ്ഞാക്കര
രതിമണികണ്ഠനെ പൊന്നാട അണിയിച്ചു കൊണ്ട് ആദരിച്ചു.മണ്ഡലം ജനറൽ സെക്രട്ടറി ജനാർദ്ദനൻ പട്ടേരി,ലക്ഷ്മണൻ ആലങ്കോട്,അഭിലാഷ് പന്താവൂർ,രാധാകൃഷ്ണൻ മണികണ്ഠൻ എന്നിവർ ചടങ്ങിൽ പങ്കെടുത്തു