വ്യാജ ലിങ്കുകള്‍ ബി‌എസ്‌എൻ‌എല്‍ ഉപയോക്താക്കളിലേക്ക് ഇനി എത്തില്ല; സംശയാസ്‌പദമായതെല്ലാം ബ്ലോക്ക് ചെയ്യും ; ഉപയോക്താക്കള്‍ക്കായി ആന്‍റി-സ്‍പാം സുരക്ഷ അവതരിപ്പിച്ച്‌ ബി‌എസ്‌എൻ‌എല്‍

തിരുവനന്തപുരം : ജനശ്രദ്ധ കൂടുതലായി പിടിച്ചു പറ്റി കൊണ്ടിരിക്കുകയാണ് ബിഎസ്‌എൻഎലിന്. പൊതുമേഖലാ ടെലികോം കമ്പനിയായ ഭാരത് സഞ്ചാർ നിഗം ലിമിറ്റഡ് (ബിഎസ്‌എൻഎല്‍) തങ്ങളുടെ ഒൻപത് കോടിയിലധികം വരുന്ന മൊബൈല്‍ വരിക്കാർക്കായി നെറ്റ്‌വർക്ക് അധിഷ്ഠിത ആന്‍റി-സ്‌പാം, ആന്‍റി-സ്‍മിഷിംഗ് പരിരക്ഷകള്‍ പുറത്തിറക്കി.രാജ്യവ്യാപകമായി നെറ്റ്‌വർക്ക്-സൈഡ് ആന്‍റി-സ്‌പാം, ആന്‍റി-സ്‌മിഷിംഗ് പരിരക്ഷ നടപ്പിലാക്കുമെന്ന് കമ്ബനി പ്രഖ്യാപിച്ചു. ഒരുതരം സൈബർ ആക്രമണമാണ് സ്‌മിഷിംഗ്. സാമ്പത്തിക നഷ്‌ടത്തിലേക്കോ ഐഡന്‍റിറ്റി മോഷണത്തിലേക്കോ നയിച്ചേക്കാവുന്ന സെൻസിറ്റീവ് വിവരങ്ങള്‍ വെളിപ്പെടുത്താൻ ടെക്സ്റ്റ് സന്ദേശങ്ങള്‍ ഉപയോഗിച്ച്‌ ഉപയോക്താക്കളെ വശീകരിക്കാൻ സ്‍കാമർമാർ ഈ രീതി ഉപയോഗപ്പെടുത്തുന്നു.ഹൈദരാബാദ് ആസ്ഥാനമായുള്ള ടാൻല പ്ലാറ്റ്‌ഫോമുകള്‍ വികസിപ്പിച്ചെടുത്ത ഈ ആന്‍റി-സ്‌പാം, ആന്‍റി-സ്‌മിഷിംഗ് പരിരക്ഷകള്‍ നെറ്റ്‌വർക്കില്‍ സ്ഥിരമായി സജീവമാക്കിയിരിക്കുന്നു. ഇതിനായി പ്രത്യേക മൊബൈല്‍ ആപ്ലിക്കേഷനോ സെറ്റിംഗ്‍സുകളില്‍ മാറ്റമോ ആവശ്യമില്ല. എസ്‌എംഎസിലെ സംശയാസ്‍പദവും ഫിഷിംഗ് യുആർഎല്ലുകളും ഉടൻ കണ്ടെത്തുകയും നെറ്റ്‌വർക്ക് എഡ്‍ജില്‍ ബ്ലോക്ക് ചെയ്യുകയും ചെയ്യുന്നു. അതിനാല്‍ വ്യാജ ലിങ്കുകള്‍ ബി‌എസ്‌എൻ‌എല്‍ ഉപയോക്താക്കളിലേക്ക് എത്തുന്നത് തടയുന്നു. അതേസമയം ടെലികോം അതോറിറ്റിയായ ട്രായിയുടെ ഡി‌എല്‍‌ടി/യു‌സി‌സി ചട്ടക്കൂടിന് കീഴില്‍ നിയമാനുസൃതമായ ഒ‌ടി‌പികള്‍, ബാങ്കിംഗ് അലേർട്ടുകള്‍, സർക്കാർ സന്ദേശങ്ങള്‍ എന്നിവ തുടർന്നും ലഭിക്കുന്നു.ഇന്ത്യ ആസ്ഥാനമായുള്ള ഒരു പ്രമുഖ ക്ലൗഡ് കമ്മ്യൂണിക്കേഷൻസ് പ്ലാറ്റ്‌ഫോമായ ടാൻലയുമായി ചേർന്ന് നിർമ്മിച്ച ഈ സിസ്റ്റം, AI/ML, NLP, റെപ്യൂട്ടേഷൻ ഇന്‍റിലിജൻസ്, ലിങ്ക് എക്സ്റ്റൻഷൻ എന്നിവ സംയോജിപ്പിച്ച്‌ സന്ദേശങ്ങള്‍ ലൈൻ-റേറ്റില്‍ സ്കോർ ചെയ്യുന്നു. കൂടാതെ അനാവശ്യ വാണിജ്യ ആശയവിനിമയങ്ങള്‍ തടയുന്നതിന് ഇൻഡസ്ട്രി ബ്ലോക്ക്‌ചെയിൻ ഡിഎല്‍ടി സ്റ്റാക്കുമായി സംയോജിച്ച്‌ പ്രവർത്തിക്കുന്നു