വിദ്യാധരൻ മാസ്റ്റർക്ക് സംഗീത സപര്യ പുരസ്‌കാരം

കഴിഞ്ഞ ആറ് പതിറ്റാണ്ടുകളായി സം​ഗീത ലോകത്ത് അസാമാന്യ രീതിയിൽ സമ​ഗ്ര സംഭാവനകൾ നൽകി വരുന്ന കലാകാരനാണ് വിദ്യാധരൻ മാസ്റ്റർ. സം​ഗീത സംവിധായകൻ എന്ന നിലയിലും ​ഗായകൻ എന്ന നിലയിലും പ്രേക്ഷകരുടെ ആസ്വാദനത്തിൽ ഏറെ പങ്കുവഹിച്ച വിദ്യാധരൻ മാസ്റ്റർക്ക് കേരള സമാജം സൂറത്ത് സം​ഗീത സപര്യ പുരസകാരം നൽകി ആദരിക്കും. ഓ​ഗസ്റ്റ് 31 സൂറത്തിൽ വച്ച് നടക്കുന്ന വിപുലമായ ചടങ്ങിൽ വിദ്യാധരൻ മാസ്റ്റർക്ക് പുരസ്കാരം സമ്മാനിക്കുമെന്നാണ് കേരള സമാജം സൂറത്ത് പ്രസിഡന്റ് സുനിൽ നമ്പ്യാർ, സെക്രട്ടറി ഷാജി ആന്റണി, ട്രഷറർ വാസുദേവൻ എന്നിവർ അറിയിച്ചത്.