രോഗ പ്രതിരോധ കുത്തിവെയ്പ്പ് ബോധവൽക്കരണ സന്ദേശറാലി നടത്തി

വട്ടംകുളം : രോഗപ്രതിരോധ കുത്തിവെയ്പ്പ് ദിനാചരണത്തിൻ്റെ ഭാഗമായി വട്ടംകുളം കുടുംബാരോഗ്യ കേന്ദ്രത്തിൻ്റെ നേതൃത്വത്തിൽ വട്ടംകുളം സി.പി.എൻ.യു.പി സ്കൂൾ സഹകരണത്തോടെ രോഗ പ്രതിരോധ കുത്തിവെയ്പ്പ് ബോധവൽക്കരണ സന്ദേശറാലി നടത്തി. വട്ടംകുളം ഗ്രാമപഞ്ചായത്ത് പ്രസിഡൻറ് എം.എ.നജീബ് ഉദ്ഘാടനം ചെയ്തു. വൈസ് പ്രസിഡൻ്റ് ഫസീല സജീബ് അധ്യക്ഷത വഹിച്ചു. ആരോഗ്യ സ്റ്റാൻ്റസിംഗ് കമ്മിറ്റി ചെയർമാൻ അക്ബർ പനച്ചിക്കൽ, മെഡിക്കൽ ഓഫീസർ Dr.മുഹമ്മദ് ഫസൽ, മുൻ പഞ്ചായത്ത് പ്രസിഡൻ്റ് മജീദ് കഴുങ്കിൽ, ഇ.എസ്.സുകുമാരൻ, ശാന്ത മാധവൻ, ഹെൽത്ത് ഇൻസ്പെക്ടർ സി.സജീവ് കുമാർ, സകൂൾ പ്രധാന അദ്ധ്യാപിക കെ.വി.നസീമ, സി.സജി, കെ.സി.മണിലാൽ, കെ.എ. കവിത, എം.എ.നവാബ്, ഇ.പി.സുരേഷ്, ടി.എം. ജാംസൻ, കെ.പി.ശരണ്യ, വിനീത വിനോദ് എന്നിവർ സംസാരിച്ചു. ജനപ്രതിനിധികൾ, ആരോഗ്യ പ്രവർത്തകർ, ആശ പ്രവർത്തകർ, അദ്ധ്യാപകർ, വിദ്യാർത്ഥികൾ പങ്കെടുത്തു.തുടർന്ന് രോഗ പ്രതിരോധ കുത്തിവെയ്പ്പ് എടുക്കാത്ത വീടുകളിൽ ജനപ്രതിനിധികൾ, ആരോഗ്യ- ആങ്കണവാടി – ആശ പ്രവർത്തകരുടെ നേതൃത്വത്തിൽ സന്ദർശിച്ച് ബോധവൽക്കരണം നടത്തും. വട്ടംകുളം പഞ്ചായത്തിലെ 100 % കുട്ടികൾക്കും പ്രതിരോധ കുത്തിവെയ്പ്പുകൾ ലഭിച്ചു എന്ന് ഉറപ്പ് വരുത്തും. പഞ്ചായത്തിലെ വിവിധ ഭാഗങ്ങളിൽ പ്രത്യേക ക്വാമ്പുകൾ സംഘടിപ്പിക്കും.