ചാലിശ്ശേരി ആലിക്കരയിൽ ഓടുമായി എത്തിയ കണ്ടയിനർ ലോറി മറിഞ്ഞു

ചാലിശ്ശേരി: ആലിക്കരയിൽ ഓടുമായി എത്തിയ കണ്ടയിനർ ലോറി മറിഞ്ഞു.ശനിയാഴ്ച കാലത്ത് എട്ടരയോടെ യാണ് സംഭവം. എറണാകുളത്ത് നിന്നു ആലിക്കരയിലുള്ള സ്വകാര്യ കമ്പനിയിലേക്ക് ഓടുമായി വന്ന കണ്ടയ്നര്‍ ആണ് റോഡരികില്‍ നിര്‍ത്താന്‍ ശ്രമിക്കുന്നതിനിടെ സമീപത്തെ അരിമ്പൂർ വീട്ടിൽ ജോസ് എന്നയാളുടെ പറമ്പിലേക്ക് മറിഞ്ഞത്.അപകടത്തില്‍ കൊടുങ്ങല്ലൂര്‍ സ്വദേശിയായ ഡ്രൈവര്‍ പരിക്കേല്‍ക്കാതെ രക്ഷപ്പെട്ടു. അപകടത്തില്‍ ജോസിന്റെ വീടിന്റെ മതില്‍ ഒരു ഭാഗം പൂര്‍ണ്ണമായും തകര്‍ന്നു.ഒമ്പത് ടണ്‍ ഭാരമുള്ള ഓട് കണ്ടയ്നറില്‍ ഉള്ളതായി ഉടമ പറഞ്ഞു.ഭാരം ഇറക്കിയതിന് ശേഷം ക്രെയിന്‍ എത്തിച്ച് കണ്ടയ്നര്‍ ഉയര്‍ത്താനുള്ള ശ്രമത്തിലാണ് ജീവനക്കാര്‍