വീണ്ടും കൂട്ടപ്പിരിച്ചുവിടലില്‍ മൈക്രോസോഫ്റ്റ്; ഒറ്റയടിക്ക് ജോലി നഷ്ടമാകുന്നത് 9000 ജീവനക്കാര്‍ക്ക്, പണികിട്ടുക ഈ മേഖലയിലെ ജോലിക്കാര്‍ക്ക്

ജീവനക്കാരെ ആശങ്കയിലാഴ്ത്തി ആഗോള ടെക് ഭീമന്‍ കമ്പനിയായ മൈക്രോസോഫ്റ്റ്. കമ്പനി വീണ്ടും കൂട്ട പിരിച്ചുവിടലിന് ഒരുങ്ങുകയാണ്. കമ്പനിയുടെ ലോകത്തെമ്പാടുമുള്ള ജീവനക്കാരുടെ നാല് ശതമാനം വരുന്നവരെ പിരിച്ചു വിടാനാണ് പുതിയ നീക്കം.കമ്പനിയുടെ മെച്ചപ്പെട്ട പ്രവര്‍ത്തനത്തിനായി ഘടനാപരമായ മാറ്റം അനിവാര്യമാണെന്ന് ചൂണ്ടിക്കാട്ടിയാണ് ജീവനക്കാരുടെ എണ്ണം കുറയ്ക്കുന്നത് എന്ന് മൈക്രോ സോഫ്റ്റ് വക്താവ് ഇമെയില്‍ സന്ദേശത്തിലും വ്യക്തമാക്കി.മിഡില്‍ ലെവല്‍ ജീവനക്കാരെ വെട്ടിക്കുറയ്ക്കാനാണ് മൈക്രോ സോഫ്റ്റിന്റെ പദ്ധതിയെന്നാണ് സൂചന. പുതിയ പ്രഖ്യാപനം 9000 ജീവനക്കാരെ എങ്കിലും ബാധിക്കുമെന്നാണ് വിലയിരുത്തല്‍. 2025 ല്‍ മൂന്നാമത്തെ കൂട്ട പിരിച്ചുവിടലാണ് മൈക്രോ സോഫ്റ്റ് ഇപ്പോള്‍ പ്രഖ്യാപിച്ചിരിക്കുന്നത്.എന്നാല്‍ ഇതുവരെ കമ്പനി പിരിച്ചുവിട്ട ജീവനക്കാരുടെ യഥാര്‍ഥ കണക്കുകള്‍ ഇതുവരെ പുറത്തുവന്നിട്ടില്ല. 2024 ജൂണ്‍ വരെ ലോകമെമ്പാടുമായി ഏകദേശം 228,000 ജീവനക്കാരുണ്ടായിരുന്ന കമ്പനി മെയ് മാസത്തില്‍ പിരിച്ചുവിടലുകള്‍ പ്രഖ്യാപിച്ചിരുന്നു, ഇത് ഏകദേശം 6,000 തൊഴിലാളികളെ ബാധിച്ചുഈ വര്‍ഷം ആദ്യം ഫേസ്ബുക്ക് മാതൃ സ്ഥാപനമായ മെറ്റ തങ്ങളുടെ ‘ഏറ്റവും താഴ്ന്ന പ്രകടനം കാഴ്ചവയ്ക്കുന്നവരുടെ’ ഏകദേശം 5% പേരെ പിരിച്ചുവിടുമെന്ന് പറഞ്ഞിരുന്നു, അതേസമയം ആല്‍ഫബെറ്റിന്റെ ഗൂഗിളും കഴിഞ്ഞ വര്‍ഷം നൂറുകണക്കിന് ജീവനക്കാരെ പിരിച്ചുവിട്ടിരുന്നു.ആമസോണ്‍ തങ്ങളുടെ ബിസിനസ് വിഭാഗങ്ങളിലുടനീളം, പ്രത്യേകിച്ച് അടുത്തിടെ ബുക്ക് ഡിവിഷനില്‍, ജോലികള്‍ വെട്ടിക്കുറച്ചിട്ടുണ്ട്. കമ്പനി നേരത്തെ തങ്ങളുടെ ഉപകരണ, സേവന യൂണിറ്റിലെ ജീവനക്കാരെയും ആശയവിനിമയ ജീവനക്കാരെയും പിരിച്ചുവിട്ടിരുന്നു. സാമ്പത്തിക അനിശ്ചിതത്വങ്ങളും വര്‍ദ്ധിച്ചുവരുന്ന ചെലവുകളും കോര്‍പ്പറേറ്റ് സ്ഥാപനങ്ങളിലെ വിവിധ മേഖലകളില്‍ പിരിച്ചുവിടലുകള്‍ക്ക് കാരണമാകുന്നുണ്ട്.