റോയൽ കോളേജ് ഓഫ് എൻജിനീയർ ആൻഡ് ടെക്നോളജിയിൽ ഹാക്ക്‌വേഴ്സ്’26 സമാപിച്ചു

അക്കിക്കാവ്:റോയൽ കോളേജ് ഓഫ് എൻജിനീയറിങ് ആൻഡ് ടെക്നോളജിയിൽ (ആർസിഇടി) സംഘടിപ്പിച്ച 24 മണിക്കൂർ ദേശീയതല ഹാക്കത്തോൺ ‘ഹാക്ക്‌വേഴ്സ്’26’ സമാപിച്ചു. വിദ്യാർഥികളുടെ സാങ്കേതിക മികവും സർഗാത്മകതയും പ്രശ്നപരിഹാര ശേഷിയും പ്രകടമാക്കിയ മത്സരത്തിൽ വിദ്യ അക്കാദമി ഓഫ് സയൻസ് ആൻഡ് ടെക്നോളജിയിലെ ടീം എമോറ ഒന്നാം സമ്മാനം നേടി.ജ്യോതി എൻജിനീയറിങ് കോളേജിലെ ടീം മാർവെലിക്സിനാണ് രണ്ടാം സമ്മാനം.എച്ച്സിഎൽ സീനിയർ പ്രൊഡക്ട് മാനേജർ മുഹമ്മദ് സ്വാലിഹ് സി, ടിസിഎസ് ക്വാളിറ്റി എൻജിനീയർ അഖിൽ റഹ്മത്തുള്ള, വാക്കോംൻ ഇൻഡസ്ട്രീസ് സിടിഒയും സഹസ്ഥാപകനുമായ സ്റ്റെർലിൻ പി.എസ്., വോൾക്കോമെൻ ഇൻഡസ്ട്രീസ് സിഇഒയും സഹസ്ഥാപകനുമായ വിഷ്ണു ടി എന്നിവരായിരുന്നു വിധികർത്താക്കൾ.സമാപന സമ്മേളനത്തിൽ ഐഇഡിസി നോഡൽ ഓഫീസർ ദിന്റോ തോമസ് സ്വാഗതം പറഞ്ഞു. പ്രിൻസിപ്പൽ ഡോ. പി. സുരേഷ് വേണുഗോപാൽ സമാപന പ്രഭാഷണം നടത്തി. സിഇഒ വി. പി. സലീം, ജനറൽ സെക്രട്ടറി കെ. എം. ഹൈദരാലി എന്നിവർ സംസാരിച്ചു.സമ്മാനദാനത്തിനു ശേഷം ഐഇഡിസി സ്റ്റുഡന്റ് കോർഡിനേറ്റർ കീർത്തന ആർ നന്ദി പറഞ്ഞു.