കല്ലുംപുറം ക്രിസ്ത്യൻ കോ-ഓപ്പറേറ്റീവ് ഫെല്ലോഷിപ്പിന്റെ 20-ാം കുടുംബ സംഗമം ഞായറാഴ്ച നടക്കും

കടവല്ലൂർ:കല്ലുംപുറം ക്രിസ്ത്യൻ കോ-ഓപ്പറേറ്റീവ് ഫെല്ലോഷിപ്പിന്റെ 20-ാം കുടുംബ സംഗമം ഞായറാഴ്ച നടക്കും.2005 ൽ സി.പി.പോളിൻ്റെ നേതൃത്വത്തിൽ സേവനത്തിനും സഹകരണത്തിനും ഒരു മാതൃകയാക്കുവാനായി സഭാ വ്യത്യാസം ഇല്ലാതെ 150 ഓളം കുടുംബങ്ങൾ ചേർന്ന് സൊസൈറ്റി ആക്ട് പ്രകാരമാണ് ഫെല്ലോഷിപ്പ് രൂപീകരിച്ചത് 2005- നവംബർ ആറിന് വീടുകളിൽ മരണാനന്തര സഹായം എന്ന ആശയത്തിൽ നിന്ന് തുടങ്ങിയ കൂട്ടായ്മയുടെ യാത്ര ഇന്ന് വിശ്വാസത്തിന്റെയും സേവനത്തിന്റെയും ജീവകാരുണ്യപാതയിലും പടർന്ന് നിൽക്കുകയാണ്. ക്രൈസ്തവ മൂല്യങ്ങൾക്ക് മുൻഗണന നൽകി റിലീഫ് മിഷൻ സാമ്പത്തികമായി പിന്നാക്കം നിൽക്കുന്ന രോഗികൾക്ക് വീടുകളിൽ മരുന്ന് എത്തിച്ച് നൽകൽ , അനാഥ മന്ദിര സന്ദർശനം , തൃശൂർ മെഡിക്കൽ കോളേജ് ക്യാൻസർ വാർഡിൽ ധനസഹായം , രോഗീപരിചരണത്തിനുള്ള ഉപകരണങ്ങൾ ,വിദ്യാർത്ഥികൾക്കുള്ള സ്‌കോളർഷിപ്പുകൾ എന്നിവ ഫെല്ലോഷിപ്പിന്റെ മുഖ്യപ്രവർത്തനങ്ങളായി ഇതിനകം മാറിയിട്ടുണ്ട്. റിലീഫ് പദ്ധതിയുടെ ഭാഗമായി നാടിൻ്റെ ഹൃദയത്തിൽ നിരവധി ജീവകാരുണ്യ – സഹായങ്ങൾ ചെയ്ത് വരുന്നുണ്ട്. ഞായറാഴ്ച വൈകീട്ട് വർഗ്ഗീസ് മെമ്മോറിയൽ കോൺഫറൻസ് ഹാളിൽ നടക്കുന്ന 20 മത് കുടുംബ സംഗമം സീനിയർ അംഗം സി.വി ശോശമ്മ ഉദ്ഘാടനം ചെയ്യും.രാസലഹരിക്കെതിരെ ലഹരി വിരുദ്ധ ബോധവൽക്കരണക്ലാസ് കുന്നംകുളം എക്സെസ് ഇൻസ്പെകടർ കെ മണികണ്ഠൻ നയിക്കും.വിവാഹജീവിതത്തിൽ രജത ജൂബിലി ആഘോഷിക്കുന്നവർ , നവ ദമ്പതിമാർ , SSLC , പ്ലസ്ടു , ഡ്രിഗ്രി വിജയികൾ , 60,70 , 84 , 90 വയസ് തികഞ്ഞവർ എന്നിവർക്ക് ആദരവും ചടങ്ങിൽ നടക്കും.വിവിധ കലാപരിപാടികളും , സ്നേഹ വിരുന്നും ഉണ്ടാകും.പരിപാടികൾക്ക് പ്രസിഡൻ്റ് സിജു ചുമ്മാർ , സെക്രട്ടറി റെന്നി ചെറുവത്തൂർ , ട്രഷറർ ബിജു താരുകുട്ടി , റിലീഫ് മിഷൻ കൺവീനർ ജോസ് വൈദ്യർ എന്നിവരും എക്സിക്യൂട്ടീവ് അംഗങ്ങളും നേതൃത്വം നൽകും