ചേകനൂർ എ.ജെ.ബി സ്കൂളിൽ ബണ്ണീസ് യൂണിറ്റ് ഉദ്ഘാടനം ചെയ്തു

എടപ്പാൾ: ചേകനൂർ എ.ജെ.ബി സ്കൂളിൽ പ്രൈമറി വിദ്യാർത്ഥികളുടെ സ്കൗട്ട് വിഭാഗമായ ബണ്ണീസ് യൂണിറ്റിന്റെ ഉദ്ഘാടനം ആനക്കര ഗ്രാമപഞ്ചായത്ത് പ്രസിഡന്റ് അംബിക ടീച്ചർ നിർവഹിച്ചു.സ്കൂൾ ട്രസ്റ്റ് ചെയർമാൻ ബഷീർ കക്കിടിക്കൽ അധ്യക്ഷത വഹിച്ചു.കുരുന്നുകളിൽ നല്ല ശീലങ്ങളും അച്ചടക്കവും സാമൂഹികബോധവും വളർത്തുന്നതിൽ സ്കൗട്ട് പ്രസ്ഥാനത്തിന് വലിയ പങ്കുവഹിക്കാനാകുമെന്ന് അംബിക ടീച്ചർ ഉദ്ഘാടന പ്രസംഗത്തിൽ പറഞ്ഞു.ചടങ്ങിൽ പ്രധാനാധ്യാപിക സി.പി. സതി, പി.ടി.എ പ്രസിഡന്റ് ഷെബീർ മാണൂർ, എം.ടി.എ പ്രസിഡന്റ് സുഹറ മൂതൂർ, സ്കൗട്ട് ഡിസ്ട്രിക്ട് കമ്മീഷണർ (ഗൈഡ്) ഷൈബി ടീച്ചർ, പ്രേമകുമാരി എ.പി., മുഹമ്മദ് ഫൈസൽ സി.വി.ആകാശ് കെ.ജ്യോതികൃഷ്ണ, നീതു, ആലിയത്ത്, ഷർഫിയ, സീമ പി., ഉനൈസ, അഹന്യ, മുഹ്സിന, റഹീന, അഖില, സുലൈഖ എന്നിവർ ആശംസകൾ നേർന്നു.പി.ടി.എ ഭാരവാഹികൾ,രക്ഷിതാക്കൾ,അധ്യാപകർ,വിദ്യാർത്ഥികൾ തുടങ്ങിയവരും ചടങ്ങിൽ സംബന്ധിച്ചു.പ്രൈമറി വിഭാഗം വിദ്യാർത്ഥികൾ അവതരിപ്പിച്ച വിവിധ കലാപരിപാടികൾ ഉദ്ഘാടനച്ചടങ്ങിന് മിഴിവേകി.