കുന്നംകുളം പിഡബ്ല്യുഡി റസ്റ്റ് ഹൗസിലെ ഒന്നാം നിലയിൽ നിന്ന് കാൽ വഴുതി താഴേക്ക് വീണ് പൊന്നാനി സ്വദേശിക്ക് ദാരുണാന്ത്യം

കുന്നംകുളം: കക്കാട് പിഡബ്ല്യുഡി റസ്റ്റ് ഹൗസിന്റെ ഒന്നാം നിലയിൽ നിന്ന് കാൽവഴുതി താഴേക്ക് വീണ് പൊന്നാനി സ്വദേശിയായ വയോധികന് ദാരുണന്ത്യം. പൊന്നാനി തൃക്കാവ് പാണ്ടംപറമ്പത്ത് മന വീട്ടിൽ നാരായണൻ ഭട്ടതിരിപ്പാടിന്റെ മകൻ 70 വയസ്സുള്ള ശങ്കരനാണ് മരിച്ചത്.രാത്രി 8 മണിയോടെയായിരുന്നു സംഭവം. ഒന്നാം നിലയിലുള്ള ബാൽക്കണിയിൽ നിന്ന് റസ്റ്റ് ഹൗസിന്റെ മുൻവശത്തേക്ക് തലയിടിച്ച് വീണ നിലയിലായിരുന്നു വയോധികൻ. ശബ്ദം കേട്ട് റസ്റ്റ് ഹൗസിന്റെ ചുമതലക്കാരൻ വന്ന് നോക്കിയപ്പോഴാണ് മുൻവശത്തായി തലയിടിച്ച് വീണ് ഗുരുതരമായി പരിക്കേറ്റ നിലയിൽ വയോധികനെ കണ്ടത്. തുടർന്ന് തലയ്ക്കുൾപ്പെടെ ഗുരുതരമായി പരിക്കേറ്റ വയോധികനെ കുന്നംകുളം താലൂക്ക് ആശുപത്രി ആംബുലൻസ് പ്രവർത്തകർ കുന്നംകുളം മലങ്കര ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചു.