വിദ്യാർത്ഥി പ്രശ്നങ്ങൾക്കുള്ള ആത്യന്തിക പരിഹാരം ധാർമിക വിദ്യാഭ്യാസം:വിസ്‌ഡം സ്റ്റുഡന്റ്സ്

ചങ്ങരംകുളം :വിദ്യാർത്ഥികൾ അകപ്പെട്ടു പോകുന്ന ലഹരിയടക്കമുള്ള സാമൂഹ്യ തിന്മകൾക്കുള്ള പരിഹാരം വ്യവസ്ഥാപിതമായ ധാർമിക വിദ്യാഭ്യാസം നൽകലാണെന്ന് വിസ്ഡം സ്റ്റുഡന്റ്സ് മലപ്പുറം വെസ്റ്റ് ജില്ല സമിതി സംഘടിപ്പിച്ച സി.ആർ.ഇ – പുതിയ അധ്യായന വർഷത്തിന്റെ ഉദ്ഘാടന സംഗമം അഭിപ്രായപ്പെട്ടു. നൈറ്റ് ലൈഫ് സംസ്കാരവും, ലഹരി വസ്തുക്കളുടെ വിപണനവും, അക്രമ മനോഭാവവും,ലൈംഗിക ആഭാസങ്ങളും, സാമ്പത്തിക ചൂഷണങ്ങളുമെല്ലാം വിദ്യാർത്ഥികളിൽ വർദ്ധിക്കുന്നത് മത-ധാർമിക വിദ്യാഭ്യാസത്തിന്റെ കുറവുമൂലമാണെന്നും സംഗമം കൂട്ടിച്ചേർത്തു.ഹൈസ്കൂൾ, ഹയർ സെക്കൻഡറി, ഡിഗ്രി പ്രായത്തിലുള്ള വിദ്യാർത്ഥി വിദ്യാർത്ഥിനികൾക്കായി ആഴ്ചയിലൊരിക്കൽ സംഘടിപ്പിക്കുന്ന തുടർ മതപഠന സംരംഭമാണ് സി.ആർ.ഇ. സംഗമം മുഹമ്മദ് ബിൻ അലവി ഉദ്ഘാടനം ചെയ്തു. ചങ്ങരംകുളം മണ്ഡലം സെക്രട്ടറി അബ്ദുൽ ജലീൽ അധ്യക്ഷത വഹിച്ചു മുജീബ് മൗലവി കോടത്തൂർ മുഖ്യപ്രഭാഷണം നടത്തി . ഇഹ്സാൻ അമീൻ , അബ്ദുൽ ബാസിത് എന്നിവർ സംസാരിച്ചു.