റെക്കോർഡിൽ മുത്തമിട്ട് പൊന്നിൻവില: ഇന്നത്തെ വിലയറിയാം

ഇന്നലെ സ്വർണവിലയിൽ പവന് 200 രൂപയാണ് വർധിച്ചത്. ഇതോടെ സ്വർണവില റെക്കോർഡിലെത്തി. ഇന്നത്തെ വില മാറ്റമില്ലാതെ തുടരും. ഒരു പവൻ സ്വർണത്തിന്റെ ഇപ്പോഴത്തെ നിരക്ക് 74,560 രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വില 25 രൂപ കൂടിയിടുന്നു. ഇതോടെ ഗ്രാമിന് 9320 രൂപയായി. തുടർച്ചയായ നാലാം ദിനവും സ്വർണവില വർധിക്കുന്ന കാഴ്ച്ചയാണ് വിപണിയിൽ ഈ ദിവസങ്ങളിൽ കാണാൻ സാധിക്കുന്നത്. ജൂൺ 13ന് മാത്രം സ്വർണത്തിന് 1560 രൂപ കൂടിയിരുന്നു. ഒരു ഗ്രാം വെള്ളിയുടെ വില 120.10 രൂപയാണ്.രാജ്യാന്തര തലത്തില്‍ സാമ്പത്തിക രംഗത്ത് നിലനില്‍ക്കുന്ന അനിശ്ചിതത്വം സ്വര്‍ണ വിലയെ വലിയ രീതിയില്‍ സ്വാധീനിക്കുന്നുണ്ട്. സ്വര്‍ണത്തിന്റെ രാജ്യാന്തര വില, ഡോളറിനെതിരെ രൂപയുടെ വിനിമയനിരക്ക്, സ്വര്‍ണം ഇറക്കുമതി ചെയ്യുന്ന ബാങ്കുകളുടെ നിരക്ക് (bank rate), കസ്റ്റംസ് ഡ്യൂട്ടി എന്നിവയാണ് സ്വര്‍ണത്തിന്റെ വില നിര്‍ണയിക്കുന്നതിന്റെ അടിസ്ഥാന ഘടകങ്ങള്‍. കഴിഞ്ഞ മാസങ്ങളില്‍ സുരക്ഷിത നിക്ഷേപം എന്ന നിലയില്‍ സ്വര്‍ണത്തിലേക്ക് കൂടുതല്‍ ആളുകള്‍ എത്തിയതാണ് സ്വര്‍ണവില ഉയരാന്‍ ഇടയാക്കിയത്.