എട്ടാം ക്ലാസുകാരന് പ്ലസ് വൺ വിദ്യാർഥികളുടെ ക്രൂര മർദനം; ചെന്നിത്തല നവോദയ വിദ്യാലയത്തിൽ റാഗിം​ഗെന്ന് പരാതി

ചെന്നിത്തലയിൽ സ്കൂൾ വിദ്യാർഥിക്ക് ക്രൂരമർദനം. ചെന്നിത്തല നവോദയ വിദ്യാലയത്തിലെ എട്ടാം ക്ലാസുകാരന് ആണ് ക്രൂരമർദനം ഏറ്റത്. പ്ലസ് വൺ വിദ്യാർത്ഥികളായ 6 പേർ ചേർന്നാണ് കുട്ടിയെ മർദിച്ചത്.തിങ്കളാഴ്ച രാത്രി ഹോസ്റ്റലിൽ ആയിരുന്നു സംഭവം. കുട്ടിയുടെ പിതാവ് മാന്നാർ പോലീസിൽ പരാതി നൽകി. എന്നാൽ റാഗിം​ഗ് ഉണ്ടായിട്ടില്ലെന്നാണ് നവോദയ സ്കൂൾ പ്രിൻസിപ്പൽ പറയുന്നത്. കുട്ടികൾ തമ്മിൽ ഉണ്ടായ പ്രശ്ങ്ങളുടെ തുടർച്ചയാണ് മർദ്ദനമുണ്ടായതെന്നും റാഗിങ്ങല്ലെന്നും ആണ് ഇവരുടെ വാദം. മർദിച്ച കുട്ടികളെ സസ്പെൻഡ് ചെയ്തതായി സ്കൂൾ അധികൃതർ അറിയിച്ചിട്ടുണ്ട്