കുഞ്ഞപ്പയുടെ ഒന്നാം ചരമവാർഷികത്തിൽ പ്രഭാതഭേരിയും അനുസ്മരണ യോഗവും ചേർന്നു

ചങ്ങരംകുളം:മൂക്കുതല പിടാവനൂർ നരണിപ്പുഴ മേഖലകളിൽ സിപിഐ എം കെട്ടിപ്പടുക്കുന്നതിലും പ്രവർത്തിക്കുന്നതിനൂമായി ജീവിതം മാറ്റിവെച്ച പി പി കുഞ്ഞപ്പയുടെ ഒന്നാം ചരമവാർഷികത്തിൽ പ്രഭാതഭേരിയും അനുസ്മരണ യോഗവും ചേർന്നു.നരണിപ്പുഴ സിപിഐഎം ബ്രാഞ്ച് കമ്മിറ്റിയുടെ നേതൃത്വത്തിലാണ് അനുസ്മരണ പരിപാടി നടത്തിയത്.നരണിപ്പുഴ സെൻ്റ്റിൽ ചേർന്ന പരിപാടിയിൽ നന്നംമുക്ക് ഗ്രാമപഞ്ചായത്ത് പ്രസിഡന്റ് മിസിരിയ സൈഫുദീൻ പതാക ഉയർത്തി. തുടർന്ന് പുഷ്പാർച്ചനയും നടന്നു. നരണിപ്പുഴ ബ്രാഞ്ച് കമ്മിറ്റി സെക്രട്ടറി പി.പി മനോജ് സ്വാഗതം പറഞ്ഞ പരിപാടിയിൽ സിപിഐഎം നന്നംമുക്ക് ലോക്കൽ കമ്മിറ്റി അംഗം വത്സലൻ കെ. പി. അധ്യക്ഷത വഹിച്ചു.കെഎസ്കെടിയു നന്നംമുക്ക് പഞ്ചായത്ത് സെക്രട്ടറിയും പാർട്ടി സെൻ്റർ അംഗവും കുഞ്ഞപ്പയോടൊപ്പം ഒരുമിച്ച് പ്രവർത്തിച്ചയാളുമായ കെ വേലായുധൻ അനുസ്മരണ യോഗം ഉദ്ഘാടനം ചെയ്തു.പി പി എന്ന ചുരുക്കപ്പേര് കൊണ്ട് അറിയപ്പെട്ടിരുന്ന കുഞ്ഞപ്പ തന്റെ ജീവിതം മുഴുവനായി ഒരു കമ്മ്യൂണിസ്റ്റ് പ്രവർത്തകനായി മറ്റുള്ളവർക്ക് മാതൃകയാക്കുകയായിരുന്നുവെന്ന് കെ വേലായുധൻ അനുസ്മരണയോടത്തിൽ ഓർമ്മിച്ചു.ഭൗതികശരീരം തൃശ്ശൂർ ഗവൺമെൻറ് മെഡിക്കൽ കോളേജ് വിദ്യാർത്ഥികൾക്ക് പഠന ആവശ്യത്തിനായി നൽകിയിരുന്നു.യോഗത്തിൽവി വി രാജഗോപാൽ,സൈഫുദീൻ,മുഹമ്മദ് ഉണ്ണി,ഷഫീർ,അജീഷ് ബാബു,കെഎം സുന്ദരൻ ,യുവജന ക്ലബ്ബ് പ്രസിഡണ്ട് ശ്രീജ തുടങ്ങിയവരും കുഞ്ഞപ്പയുടെ സുഹൃത്തുക്കളും പങ്കെടുത്തു