യാത്രക്കാർക്ക് ആശ്വാസം; തിരുവനന്തപുരം – മംഗളൂരു സ്‌പെഷ്യല്‍ ട്രെയിനിന്റെ സര്‍വീസുകള്‍ നീട്ടി, സമയത്തിൽ മാറ്റം

പ്രത്യേകിച്ച് വടക്കൻ കേരളത്തിലുള്ള യാത്രക്കാർക്ക് ആശ്വാസമായി തിരുവനന്തപുരം- മംഗളൂരു സ്‌പെഷ്യല്‍ ട്രെയിനിന്റെ (06163, 06164) സര്‍വീസുകള്‍ റെയില്‍വേ നീട്ടി. ആറ് സര്‍വീസുകള്‍ കൂടിയാണ് പ്രഖ്യാപിച്ചത്. അതേസമയം, സമയത്തില്‍ മാറ്റമുണ്ട്. നേരത്തേ യാത്രാതിരക്ക് കണക്കിലെടുത്താണ് തിരുവനന്തപുരം- മംഗളൂരു സ്‌പെഷ്യല്‍ ട്രെയിൻ ഏർപെടുത്തിയിരുന്നത്.14 സെക്കന്‍ഡ് ക്ലാസ് കോച്ചുകളുണ്ടാകും. തിരുവനന്തപുരം നോര്‍ത്ത്- മംഗളൂരു ജങ്ഷന്‍ സ്‌പെഷ്യല്‍ ട്രെയിന്‍ ജൂണ്‍ 16, 23, 30 തിങ്കളാഴ്ചകളിൽ സർവീസ് നടത്തും. മംഗളൂരു- തിരുവനന്തപുരം നോര്‍ത്ത് സ്‌പെഷ്യല്‍ ജൂണ്‍ 17, 24, ജൂലൈ ഒന്ന് ചൊവ്വാഴ്ചകളിലുമാണ് സര്‍വീസ് നടത്തുക.തിരുവനന്തപുരത്ത് നിന്ന് വൈകിട്ട് 5.30ന് പുറപ്പെടുന്ന ട്രെയിന്‍ പിറ്റേന്ന് രാവിലെ രാവിലെ 6.50ന് മംഗളൂരുവിലെത്തും. തിരിച്ച് ഉച്ചയ്ക്ക് ശേഷം 03.15ന് മംഗലാപുരത്ത് നിന്ന് പുറപ്പെടും. പിറ്റേന്ന് രാവിലെ 03:50ന് തിരുവനന്തപുരം നോര്‍ത്തില്‍ എത്തും.