ചങ്ങരംകുളം പെരുമ്പാൾ വിദ്യാർത്ഥിയുടെ കൈചെയിൻ മോഷ്ടാവ് പൊട്ടിച്ചു കടന്നു കളഞ്ഞു

ചങ്ങരംകുളം: കല്ലൂർമ്മ പെരുമ്പാൾ നിലാത്ത് വീട്ടിൽ ഹസ്സന്റെ മകൾ ഷർമിനാസിന്റെ കയ്യിൽ കിടന്നിരുന്ന ഒരു പവൻ തൂക്കം വരുന്ന കൈചെയിൻ മോഷ്‌ടാവ് പൊട്ടിച്ചു കൊണ്ട് പോയി. ചൊവ്വാഴ്‌ച രാവിലെ എട്ട് മണിയോടെയാണ് സംഭവം.കോലിക്കരയിലെ സ്വകാര്യ വിദ്യാലയത്തിൽ പ്ലസ് ടു വിൽ പഠിക്കുന്ന വിദ്യാർത്ഥിനി സ്കൂളിലേക്ക് വീട്ടിൽ നിന്നും പുറപ്പെട്ട് വീടിന്റെ നൂർ മീറ്റർ അകലെ വെച്ച് മോഷ്ടാവ് ബലം പ്രയോഗിച്ച് കൈയ്യിൽ കിടന്നിരുന്ന കൈചെയിൻ പൊട്ടിച്ചു ഓടുകയായിരുന്നു. കുട്ടിയുടെ ബഹളം കേട്ട് നാട്ടുകാർ ഓടിയെത്തിയെങ്കിലും മോഷ്ടാവ് കടന്ന് കളഞ്ഞിരുന്നു. ചങ്ങരംകുളം പോലീസിൽ അന്വേഷണം ആരംഭിച്ചിട്ടുണ്ട്.