എടപ്പാൾ എസ് എസ് എഫ് എടപ്പാൾ ഡിവിഷൻ സമ്മേളനം ഏപ്രിൽ 29ന് നടുവട്ടത്ത് നടക്കും

എടപ്പാൾ:”സെലിബ്രേറ്റിങ് ഹ്യൂമാനിറ്റി – ശരികളുടെ ആഘോഷം” എന്ന പ്രമേയത്തിൽ സുന്നി സ്റ്റുഡന്റസ് ഫെഡറേഷൻ (എസ് എസ് എഫ്) നടത്തുന്ന രണ്ടാം ഘട്ട ലഹരി വിരുദ്ധ സമരത്തിന്റെ ഭാഗമായി, എടപ്പാൾ ഡിവിഷൻ സമ്മേളനം ഏപ്രിൽ 29ന് നടുവട്ടത്ത് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.സംഘടനയുടെ സ്ഥാപക ദിനമായ ഏപ്രിൽ 29ന് വൈകുന്നേരം അഞ്ച് മണിക്ക് വിദ്യാർത്ഥി റാലിയോടെ ആരംഭിക്കുന്ന സമ്മേളനം എസ്.ഐ.കെ. തങ്ങൾ മൂതൂർ ഉദ്ഘാടനം ചെയ്യും.സംസ്ഥാന, ജില്ലാ തലത്തിലുള്ള പ്രതിനിധികൾ വിവിധ സെഷനുകൾക്ക് നേതൃത്വം നൽകും.”അധികാരികളേ, നിങ്ങളാണ് പ്രതി” എന്ന പ്രമേയത്തിൽ നടന്ന ഒന്നാം ഘട്ട ലഹരി വിരുദ്ധ സമരത്തിന്റെ ഭാഗമായി, എസ് എസ് എഫ് പഞ്ചായത്ത് ഓഫീസ് ധർണ്ണകൾ,ബോധവൽക്കരണ സംഗമങ്ങൾ,നിവേദന സമർപ്പണങ്ങൾ തുടങ്ങിയ പദ്ധതികൾ നടത്തിയിരുന്നു.ലഹരി ഉപയോഗം കൂടി വരുന്ന സാഹചര്യത്തിലും വിദ്യാർത്ഥികൾക്കെതിരായ അനാവശ്യ ദുഷ്പ്രചാരണങ്ങൾക്കിടയിലും പുതു തലമുറയുടെ ശരികളെ ഉയർത്തിപ്പിടിച്ചുകൊണ്ടാണ് സംഘടന രണ്ടാം ഘട്ട സമരത്തിനൊരുങ്ങുന്നതെന്ന് ഭാരവാഹികള്‍ പറഞ്ഞുവിദ്യാർത്ഥി സമൂഹത്തിന്റെ നന്മയെ അംഗീകരിക്കാനും, ശരികളോടുള്ള അവരുടെ ആഭിമുഖ്യത്തെ പ്രോത്സാഹിപ്പിക്കാനുമാണ് പുതിയ സമരപദ്ധതികൾ ലക്ഷ്യമിടുന്നത്.സമരത്തിന്റെ ഭാഗമായി സെക്ടർ തലങ്ങളിൽ ലഹരി വിരുദ്ധ മാരത്തോൺ, സ്ട്രീറ്റ് പാർലമെന്റ്,യൂണിറ്റുകളിൽ വോയ്‌സ് ഓഫ് ഹോപ്പ്, സ്ട്രീറ്റ് പൾസ് തുടങ്ങിയ പരിപാടികളും സംഘടിപ്പിക്കുമെന്ന് ഭാരവാഹികള്‍ അറിയിച്ചു