തെക്കൻ ജില്ലകളിൽ മഴ,​ വ‌ടക്ക് താപനില ഉയരും

തെക്കൻ ജില്ലകളിൽ മൂന്നു ദിവസം മഴ തുടരും. മലയോര മേഖലകളിലാണ് മഴസാദ്ധ്യത കൂടുതൽ. ശക്തമായ ഇടിമിന്നലിനും സാദ്ധ്യതയുണ്ട്. വടക്കൻ ജില്ലകളിൽ ഉയർന്ന താപനിലയായിരിക്കും. തൃശ്ശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ അതിനാൽ ഇന്ന് യെല്ലോ അലർട്ടാണ്. കോഴിക്കോട് ജില്ലയിൽ 38 ഡിഗ്രിവരെയും പാലക്കാട്, കണ്ണൂർ 37ഡിഗ്രിവരെയും തൃശ്ശൂർ, മലപ്പുറം, കാസർകോട് 36 ഡിഗ്രി വരെയും താപനില ഉയർന്നേക്കും. പകൽ 11 മുതൽ മൂന്നു വരെ സൂര്യപ്രകാശം നേരിട്ട് ഏൽക്കുന്നത് ഒഴിവാക്കണം.