പടക്കം പൊട്ടിച്ചത് ചോദ്യം ചെയ്തു, പെപ്പര്‍ സ്പ്രേയും വടിവാളുമായെത്തി ആക്രമണം; നാലു പേർക്ക് വെട്ടേറ്റു

കാസർകോട്: കാസർകോട് നാലാം മൈലിൽ പ്രദേശവാസികളായ നാലുപേർക്ക് വെട്ടേറ്റു. പടക്കം പൊട്ടിച്ചതുമായി ബന്ധപ്പെട്ട വാക്കുതർക്കമാണ് ആക്രമണത്തിന് കാരണമായത്. വേട്ടേറ്റവരെ ആശുപത്രിയിൽ പ്രവേശിപ്പിച്ചു. ഇന്നലെ രാത്രിയാണ് സംഭവം നടന്നത്. രാത്രി വീട്ടിന്റെ മുന്നിലിട്ട് പടക്കം പൊട്ടിക്കുന്നത് പ്രദേശവാസികൾ ചോദ്യം ചെയ്തു. തുടർന്ന് മടങ്ങിയ പോയ യുവാക്കൾ തിരിച്ച് ആയുധവുമായി വന്ന് പ്രദേശവാസികളെ ആക്രമിക്കുകയായിരുന്നു. സംഭവത്തിൽ മൂന്നുപേരെ പൊലീസ് അറസ്റ്റ് ചെയ്തിട്ടുണ്ട്. ആക്രമണത്തിൽ കൂടുതൽ അന്വേഷണം നടത്തിവരികയാണെന്ന് പൊലീസ് അറിയിച്ചു. ആക്രമിച്ചവർ ലഹരിക്ക് അടിമകളാണെന്ന് പരിക്കേറ്റവർ പറയുന്നു.