റിസോർട്ടിലെ സ്വമ്മിങ് പൂളിൽ വീണ മലപ്പുറം സ്വദേശിയായ ഏഴു വയസുകാരൻ മുങ്ങി മരിച്ചു

കോഴിക്കോട് കക്കാടംപൊയിൽ റിസോർട്ടിലെ സ്വമ്മിങ് പൂളിൽ ഏഴു വയസുകാരൻ മുങ്ങി മരിച്ചു. മലപ്പുറം പഴമള്ളൂർ സ്വദേശി അഷ്മിൽ ആണ് മരിച്ചത്. ഇന്ന് വൈകീട്ട് 7 മണിയോടെയായിരുന്നു സംഭവം. റിസോർട്ടിലെ സ്വമ്മിങ് പൂളിൽ കുളിക്കാൻ ഇറങ്ങുന്നതിനിടെയാണ് കുട്ടി മുങ്ങി മരിച്ചത്. അഷ്മിലിനെ ഉടൻ തന്നെ കക്കാടംപൊയിയിലെ ആശുപത്രിയിൽ എത്തിച്ചെങ്കിലും പിന്നീട് കോഴിക്കോട് മെഡിക്കൽ കോളജിലേക്ക് കൊണ്ടുപോകുകയായിരുന്നു. കുട്ടിയുടെ മൃതദേഹം കോഴിക്കോട് മെഡിക്കൽ കോളജ് ആശുപത്രിയിലാണ് ഉള്ളത്