അനധികൃത അറവുശാലക്കെതിരെ നാട്ടുകാരുടെ പ്രതിഷേധം’സംഘര്‍ഷം.ചങ്ങരംകുളം പോലീസ് അന്വേഷണം തുടങ്ങി

ചങ്ങരംകുളം:ചിയ്യാനൂരില്‍ പ്രവര്‍ത്തനം തുടങ്ങിയ അനധികൃത അറവുശാലക്കെതിരെ നാട്ടുകാരുടെ പ്രതിഷേധം’ആലംകോട് പഞ്ചായത്തിലെ എട്ടാം വാര്‍ഡില്‍ മനക്കല്‍ താഴത്ത് ഏതാനും മാസം മുമ്പ് പുതുതായി പ്രവര്‍ത്തനം തുടങ്ങിയ അറവുശാലക്കെതിരെയാണ് നാട്ടുകാര്‍ രംഗത്ത് എത്തിയത്‌.അറവുമാലിന്യങ്ങള്‍ സമീപത്ത് തോട്ടില്‍ തള്ളുന്നതു മൂലം അസഹ്യമായ ദുര്‍ഗന്ധമാണെന്നും സമീപത്ത് തെരുവ് നായകളുടെ ശല്ല്യം കൂടുകയാണെന്നുമാണ് നാട്ടുകാരുടെ ആരോപണം.സംഭവം ചോദ്യം ചെയ്ത പ്രദേശവാസികളും ഫാം നടത്തിപ്പുകാരും തമ്മില്‍ കഴിഞ്ഞ ദിവസം സ്ഥലത്ത് സംഘര്‍ഷം ഉണ്ടായതോടെയാണ് നാട്ടുകാര്‍ പ്രതിഷേധവുമായി രംഗത്ത് എത്തിയത്.സംഭവത്തില്‍ ആലംകോട് പഞ്ചായത്തിനും ആരോഗ്യവകുപ്പിനും നാട്ടുകാര്‍ പരാതി നല്‍കിയിട്ടുണ്ട്.സംഭവത്തില്‍ ചങ്ങരംകുളം പോലീസും അന്വേഷണം തുടങ്ങിയിട്ടുണ്ട്.