ഒമാനില്‍ നിന്ന് എത്തിച്ച 150 ഗ്രാം എംഡിഎംഎ ലഹരി മരുന്നുമായി തിരൂരില്‍ മൂന്നുപേര്‍ പിടിയില്‍

തിരൂര്‍:ഒമാനില്‍ നിന്ന് എത്തിച്ച 150 ഗ്രാം എംഡിഎംഎ ലഹരിമരുന്നുമായി മൂന്നുപേര്‍ തിരൂര്‍ പോലീസിന്‍റെ പിടിയില്‍.ആനമങ്ങാട് മണലായ സ്വദേശി പുല്ലാനിക്കല്‍ ഹൈദരാലി (29),വേങ്ങര കണ്ണമംഗലം സ്വദേശി പാറക്കല്‍ മുഹമ്മദ് കബീര്‍(33),തിരൂരങ്ങാടി കുട്ടുര്‍ നോര്‍ത്ത് സ്വദേശി (37)എന്നിവരെയാണ് തിരൂര്‍ റെയില്‍വേ സ്റ്റേഷന് സമീപത്ത് വച്ച് ജില്ലാപോലീസ് മേധാവി ആര്‍.വിശ്വനാഥ് ഐപിഎസ് ന് ലഭിച്ച രഹസ്യവിവരത്തിന്‍റെയടിസ്ഥാനത്തില്‍ തിരൂര്‍ ഡിവൈഎസ്പി മൂസ വള്ളിക്കാടന്‍ ,ഇന്‍സ്പെക്ടര്‍ ജിനേഷ് എന്നിവരുടെ നേതൃത്വത്തില്‍ എസ്.ഐ. സുജിത്ത്,തിരുര്‍, പെരിന്തല്‍മണ്ണ ഡാന്‍സാഫ് ടീം എന്നിവരടങ്ങുന്ന സംഘം നടത്തിയ പരിശോധനയില്‍ അറസ്റ്റ് ചെയ്തത്.ഒമാനില്‍ നിന്ന് മുംബൈ എയര്‍പോര്‍ട്ട് വഴി വന്ന് ട്രയിന്‍ മാര്‍ഗ്ഗമാണ് നാട്ടിലെത്തിയത്.