ചങ്ങരംകുളം:ചാലിശേരി ആലിക്കര നവയുഗ പൂരാഘോഷ കമ്മിറ്റിക്ക് ജീവകാരുണ്യ രംഗത്ത് പ്രവർത്തിക്കുന്ന കുന്നംകുളം ഷെയർ ആൻഡ് കെയർ ചാരിറ്റബിൾ സൊസൈറ്റിയുടെ കൈതാങ്ങ്.ആർഭാടങ്ങൾ ഒഴിവാക്കി ലളിതമായ രീതിയിൽ ഉത്സവാഘോഷങ്ങൾ നടത്തുകയും ആഘോഷങ്ങൾക്കായി ലഭിച്ച സംഖ്യ ഉപയോഗിച്ച് 2 മാസം മുമ്പ് മരിച്ച സഹപ്രവര്ത്തകന്റെ വീട് നിര്മാണം പൂര്ത്തിയാക്കാന് തീരുമാനിക്കുകയും ചെയ്ത നവയുഗ പൂരാഘോഷ കമ്മിറ്റിക്കാണ് കുന്നംകുളം ഷെയർ ആൻഡ് കെയർ ചാരിറ്റബിൾ സൊസൈറ്റി ഒരു ലക്ഷം രൂപ കൈമാറിയത്.ഗൃഹനാഥന് മരിച്ച് രണ്ട് മാസത്തിനകം മകനും മരിച്ചതോടെ കുടുംബം അനാഥമായിരുന്നു.ഇതോടെ കുടുംബത്തിൻ്റെ പാതി പണി കഴിഞ്ഞു നിൽക്കുന്ന വീടിൻ്റെ പണികൾ പൂർത്തിയാക്കാനുള്ള ദൗത്യം നവയുഗ പൂരാഘോഷ കമ്മിറ്റി ഏറ്റെടുക്കുകയായിരുന്നു.നവയുഗ പൂരാഘോഷ കമ്മിറ്റിയുടെ തീരുമാനം അറിഞ്ഞാണ് ഷെയർ ആൻഡ് കെയർ ചാരിറ്റബിൾ സൊസൈറ്റി ഒരു ലക്ഷം രൂപയുടചെക്ക് പൂരാഘോഷ കമ്മിറ്റിക്ക് നല്കിയത്.നാടിന് മാതൃകയായ ആലിക്കര നവയുഗ പൂരാഘോഷ കമ്മിറ്റി ഭാരവാഹികളെ സൊസൈറ്റി പ്രസിഡണ്ട് ലെബീബ് ഹസ്സൻ , ഷെമീർ ഇഞ്ചക്കാലിൽ , ജിനീഷ് തെക്കേക്കര എന്നിവർ പൊന്നാട അണിയിച്ചു.പൂരഘോഷ കമ്മിറ്റിക്ക് കഥകളി ശിൽപവും നൽകി ആദരിച്ചു. കഴിഞ്ഞ ദിവസമാണ് ചാലിശ്ശേരി മുലയം പറമ്പത്തുകാവ് ഭഗവതി ക്ഷേത്രത്തിലെ ഉത്സവ എഴുന്നള്ളിപ്പിനായി 503000 രൂപ ഏക്കത്തുക കരാർ ഉറപ്പിച്ചിരുന്ന ചിറക്കൽ കാളിദാസൻ എന്ന ഗജവീരനെ ഒഴിവാക്കുകയും ഈ സംഖ്യ ഉപയോഗിച്ച് പ്രദേശത്തെ ഗൃഹനാഥനും മകനും മരണപ്പെട്ട കുടുംബത്തിൻ്റെ വീടുപണി പൂർത്തിയാക്കുന്നതിനായി തീരുമാനിച്ചിരുന്നത്.
ഷെയർ ആൻഡ് കെയർ ചാരിറ്റബിൾ സൊസൈറ്റി ഭാരവാഹികളായ ഷെമീർ ഇഞ്ചിക്കാലയിൽ, ജിനാഷ് തെക്കേകര, സതീഷ് കുമാർ പുളിയത്ത്, ജസ്റ്റിൻ പോൾ, ഇ.എം.കെ ജിഷാർ, ജിനീഷ് നായർ, കെ.വി സാംസൺ, ഡേവിഡ് ചെറിയാൻ, ഷൈജു സൈമൺ
നവയുഗ പൂരാഘോഷ കമ്മിറ്റി ഭാരവാഹികളായ രക്ഷാധികാരി കെ.കെ പ്രേമൻ , പ്രസിഡൻ്റ് എം.എസ്.മനു , സെക്രട്ടറി എൻ.എസ് സനൂപ് , ട്രഷറർ എം.കെ ശരത് എന്നിവർ സംസാരിച്ചു.
