നാലാം നാളും സ്വര്‍ണത്തിന്റെ കൂപ്പുകുത്തല്‍ തുടരുന്നു; പവന് വീണ്ടും വില കുറഞ്ഞു

സംസ്ഥാനത്ത് സ്വര്‍ണവിലയില്‍ തുടര്‍ച്ചയായ നാലാം ദിവസവും കുറവ് രേഖപ്പെടുത്തി. കഴിഞ്ഞയാഴ്ച സ്വര്‍ണവില കുതിക്കുകയായിരുന്നു. ഇന്ന് പവന് 160 രൂപയാണ് കുറഞ്ഞത്. പവന് 63,520 രൂപയാണ് ഇന്നത്തെ വില. ഗ്രാമിന് 20 രൂപയാണ് കുറഞ്ഞത്. 7,940 രൂപയാണ് ഒരു ഗ്രാമിന് ഇന്നത്തെ വില. വെള്ളിയാ‍ഴ്ച പവന് 400 രൂപയാണ് ഒറ്റയടിക്ക് കുറഞ്ഞത്. വ്യാഴാഴ്ച പവന് 320 രൂപയുടെ കുറവ് രേഖപ്പെടുത്തിയിരുന്നു. ഈയാഴ്ച ആദ്യ രണ്ട് ദിവസവും സ്വര്‍ണവിലയില്‍ വര്‍ധന രേഖപ്പെടുത്തിയിരുന്നു. കഴിഞ്ഞയാഴ്ച അവസാന ദിവസങ്ങളിലും വര്‍ധനയായിരുന്നു ട്രെന്‍ഡ്. ജനുവരി 22നാണ് പവന്‍ വില ചരിത്രത്തില്‍ ആദ്യമായി അറുപതിനായിരം കടന്നത്. എന്നാല്‍ സംസ്ഥാനത്ത് ദിവസങ്ങള്‍ കൊണ്ടുതന്നെ 64,000 കടന്ന് സ്വര്‍ണവില കുതിച്ചിരുന്നു. ഇപ്പോ‍ഴത് 63,000-ലേക്ക് എത്തി. രാജ്യാന്തര വിപണിയിലെ മാറ്റങ്ങളാണ് സ്വര്‍ണ വിലയില്‍ പ്രതിഫലിക്കുന്നത്. അമേരിക്കയില്‍ ഡൊണാള്‍ഡ് ട്രംപ് അധികാരമേറ്റതിനു പിന്നാലെ ധന വിപണിയില്‍ ഉണ്ടായ അനിശ്ചിതത്വം സുരക്ഷിത നിക്ഷേപം എന്ന നിലയില്‍ സ്വര്‍ണത്തിന് പ്രിയം കൂട്ടിയിട്ടുണ്ട്.