കോക്കൂർ സ്കൂൾ വാർഷികാഘോഷവും സർവീസിൽ നിന്ന് വിരമിക്കുന്ന അധ്യാപകർക്കുള്ള യാത്രയയപ്പും സംഘടിപ്പിച്ചു

ചങ്ങരംകുളം :കോക്കൂർ എ എച്ച് എം ഗവ. ഹയർ സെക്കന്ററി സ്കൂൾ 95 ആം വാർഷിക ആഘോഷവും സർവീസിൽ നിന്ന് വിരമിക്കുന്ന അധ്യാപകർക്കുള്ള യാത്രയയപ്പും ആലങ്കോട് ഗ്രാമപഞ്ചായത്ത് പ്രസിഡന്റ് കെ.വി ഷഹീർ ഉദ്ഘാടനം ചെയ്തു. പി ടി എ പ്രസിഡന്റ്‌ മുജീബ്‌ കോക്കൂർ അധ്യക്ഷത വഹിച്ചു. പ്രശസ്ത മാപ്പിളപ്പാട്ട് ഗായകൻ കാദര്‍ഷാ എടപ്പാൾ മുഖ്യാതിഥിയായി.വിരമിക്കുന്ന അധ്യാപകർക്ക്‌ സ്കൂൾ സംരക്ഷണ സമിതി ചെയർമാൻ ആഷ്റഫ് കോക്കൂർ ഉപഹാരം നൽകി.രാവിലെ മുതൽ രാത്രി വരെ സ്കൂൾ വിദ്യാർത്ഥികളുടെയും പൂർവ്വ വിദ്യാർത്ഥികളുടെയും അംഗൻവാടി കുട്ടികളുടെയും വിവിധ കലാപരിപാടികൾ അരങ്ങേറി.ഗൾഫ്‌ പൂർവ്വ വിദ്യാർഥി സംഘടനയായ ‘ട്രാക്സ്‌ ‘ ദുബൈയിൽ നടത്തുന്ന നാലാമത്‌ മെഗാ ഇവന്റിന്റെ ലോഗോയുടെ പ്രകാശനം നടന്നു.ബ്ലോക്ക് പഞ്ചായത്ത് മെമ്പർ റീസ പ്രകാശ്, വാർഡ് മെമ്പർ മൈമൂന ഫാറൂഖ്, എടപ്പാൾ എ.ഇ.ഒ. പി.വി. ഹൈദരാലി, എസ്.എം.സി ചെയർമാൻ വി.ശശിധരൻ, പ്രിൻസിപ്പാൾ പി.ഡി ഷീന, എം.കെ മുഹമ്മദ് അൻവർ, രഞ്ജിത് അടാട്ട്, പി.എസ് കൃഷ്ണൻ,കെ. അനിൽകുമാർ, പി.ഷൈന, സൈഫു പള്ളിക്കുന്ന്, വി സ്മിത,കെ.എം വിപിൻ, എം.ജെഡെയ്സി, എം.ആർ മിനിമോൾ, കുമാരി സന, കെ.എം അബ്ദുൽ ഹക്കീം പ്രസംഗിച്ചു.