ആലംകോട് ജനത എ.എൽ.പി സ്കൂൾ 65-ാം വാർഷികാഘോഷം സംഘടിപ്പിച്ചു

ചങ്ങരംകുളം:ആലംകോട് ജനത എ എൽ പി സ്കൂളിന്റെ 65-ാം വാർഷികം ആഘോഷിച്ചു.പി.പി മുഹമ്മദ്കുട്ടി ഹാജി പതാക ഉയർത്തി.വാർഷിക സമ്മേളനം ആലംകോട് പഞ്ചായത്ത് പ്രസിഡന്റ് കെ.വി ഷെഹീർ ഉദ്ഘാടനം ചെയ്തു. ജനതരംഗം വാർഷിക സപ്ലിമെന്റ് പ്രകാശനം,എൻഡോവ്മെന്റ് വിതരണം,എല്‍എസ്എസ് അവാർഡ് വിതരണം,മികച്ച വിദ്യാർത്ഥികൾക്കുള്ള അവാർഡ് വിതരണം,എസ് എസ് എൽ സി ,പ്ളസ്ടു പരീക്ഷയിൽ എപ്ളസ് നേടിയ വിദ്യാർത്ഥികളെ അനുമോദിക്കൽ, വാർഷികത്തിന്റെ ഭാഗമായി നടന്നു.പ്രധാനധ്യാപിക എൻ സ് ബീനമോൾ,പഞ്ചായത്ത് വൈസ് പ്രസിഡന്റ് പ്രബിത ടീച്ചർ, ബ്ലോക്ക് മെമ്പർ രാമദാസ് മാസ്റ്റർ,പഞ്ചായത്ത് അംഗങ്ങളായ വിനീത, സി.കെ പ്രകാശൻ, പി ടി എ പ്രസിഡന്റ് അനിയൻ ആലംകോട്, ഗോകുൽ ആലംകോട്, മാനേജർ പി.പി ഫാത്തിമ്മ , കെ രേണുക സംസാരിച്ചു.വിദ്യാർത്ഥികളുടെ വിവിധ കലാ പരിപാടികളും അരങ്ങേറി.