സ്‌കൂള്‍ കുട്ടികളില്‍ ലഹരി ഉപയോഗം ഇല്ലാതാക്കാന്‍ വിദ്യാഭ്യാസ വകുപ്പുമായി പദ്ധതികള്‍ ആലോചിക്കുമെന്ന് മന്ത്രി വാസവൻ

ആധുനിക സാങ്കേതിക വിദ്യകള്‍ ഉപയോഗിച്ച് മയക്കുമരുന്ന് ഉപയോഗം കുറയ്ക്കാന്‍ എക്സൈസ് വകുപ്പിന് കഴിഞ്ഞെന്ന് മന്ത്രി വിഎന്‍ വാസവന്‍ നിയമസഭയിൽ പറഞ്ഞു. സ്‌കൂള്‍ കുട്ടികളില്‍ ലഹരി ഉപയോഗം ഇല്ലാതാക്കാന്‍ ബോധവത്കരണ പരിപാടികള്‍ നടത്തുന്നുണ്ട്. ഡിസ്ക്ലോഷര്‍ കമ്മിറ്റികള്‍ വഴി പിടിച്ചെടുത്ത ലഹരികള്‍ നശിപ്പിക്കുന്നുവെന്നും അദ്ദേഹം പറഞ്ഞു.വിമുക്തി എന്ന പ്രോജക്ട് നടന്നുകൊണ്ടിരിക്കുകയാണ്. എക്‌സൈസ് വകുപ്പിന് വാഹനങ്ങളും മറ്റ് സൗകര്യങ്ങളും ഉണ്ടായിട്ടുണ്ട്. സ്‌കൂള്‍ കുട്ടികളില്‍ ലഹരി ഉപയോഗം ഇല്ലാതാക്കാന്‍ വിദ്യാഭ്യാസ വകുപ്പുമായി ബന്ധിപ്പിച്ച് പദ്ധതികള്‍ ആലോചിക്കുമെന്നും മന്ത്രി പറഞ്ഞു.കുട്ടികളുടെ ലഹരി ഉപയോഗം വര്‍ധിക്കുന്നുണ്ടെന്നും മൂന്നാം ഘട്ട ക്യാമ്പയിന്‍ അവതരിപ്പിക്കണമെന്നും ഇതിന് പ്രതിപക്ഷത്തിൻ്റെ പൂർണ പിന്തുണയുണ്ടാകുമെന്നും പി സി വിഷ്ണുനാഥ് പറഞ്ഞു.