ചങ്ങരംകുളത്ത് പ്രമുഖ ആയുര്‍വേദ മരുന്ന് നിര്‍മാണശാലക്ക് തീപിടിച്ചു’യന്ത്ര സാമഗ്രികൾ കത്തി നശിച്ചു’ലക്ഷങ്ങളുടെ നഷ്ടം

ചങ്ങരംകുളം :പ്രമുഖ ആയുര്‍വേദ മരുന്ന് നിര്‍മാണ കമ്പനിയായ മംഗളോദയം വൈദ്യശാലയുടെ മരുന്ന് ഫാക്ടറിയിൽ ഉണ്ടായ തീപിടുത്തത്തിൽ ലക്ഷങ്ങളുടെ നാശനഷ്ടം. വ്യാഴാഴ്ച പുലർച്ചെ നാലുമണിക്കാണ് ആലംകോട് റോഡില്‍ പ്രവര്‍ത്തിക്കുന്ന ഫാക്ടറിയില്‍ തീ പടര്‍ന്നത്.താമസക്കാരായ തൊഴിലാളികൾ ഉണര്‍ന്ന് തീ കെടുത്താന്‍ ശ്രമം നടത്തിയെങ്കിലും നടക്കാതെ വന്നതോടെ ഫയര്‍ഫോഴ്സിനെ വിവരം അറിയിക്കുകയായിരുന്നു.മരുന്ന് നിർമ്മാണത്തിന് ഉപയോഗിക്കുന്ന 25 എച്ച് പി യുടെ ഒരു യന്ത്രവും, 15 എച്ച് പി യുടെ 2 യന്ത്രവും,മരുന്ന് നിർമാണത്തിനുള്ള അസംസ്കൃത വസ്തുക്കളും,ഇലക്ട്രിക് ഉപകരണങ്ങളും, കത്തി നശിച്ചിട്ടുണ്ട്.
ഏകദേശം 10 ലക്ഷം രൂപയുടെ നാശനഷ്ടം സംഭവിച്ചതായും, തീ പിടുത്തം സംഭവിക്കാനുള്ള കാരണം അന്വേഷിച്ചു വരുന്നതായും ഉടമകൾ പറഞ്ഞു. തീ ആളിപടരുന്നത് ശ്രദ്ധയിൽ പെട്ട ജീവനക്കാർ ഫാക്ടറി ഉടമകളെ അറിയിക്കുകയായിരുന്നു. ഉടൻ തന്നെ തീ അണച്ചതിനാൽ മറ്റു പ്രദേശങ്ങളിലേക്ക് പടരാതെ വൻ ദുരന്തം ഒഴിവാക്കാൻ സാധിച്ചു.
പൊന്നാനിയിൽ നിന്ന് ഫയർ ഫോഴ്‌സ് എത്തി മുഴുവൻ തീയും അണച്ചു.