ബിഗ് ബോസ് താരം ഗബ്രി ജോസ് നായകനായ “കനോലി തീരത്ത് ” ട്രൈലർ ലോഞ്ചിങ്ങ് എറണാംകുളം പ്രസ് ക്ലബ്ബിൽ നടന്നു

എടപ്പാള്‍:മെഡി അസോസിയേറ്റ്സിൻ്റെ ബാനറിൽ മുജിബ് എടപ്പാൾ നിർമ്മിച്ച് റഷീദ് കെ. മൊയ്തു സംവിധാനം ചെയ്ത് ബിഗ് ബോസ് താരം ഗബ്രി ജോസ് നായകനായ “കനോലി തീരത്ത് ” എന്ന സിനിമയുടെ ഒഫീഷ്യൽ ട്രൈലർ ലോഞ്ചിങ്ങ് എറണാംകുളം പ്രസ് ക്ലബ്ബിൽ നടന്നു.ട്രയിലർ ലോഞ്ചിങ്ങ് സിനിമ താരം വിനോദ് കോവൂർ നിർവ്വഹിച്ചു.ഒരു സംഭവ കഥയെ ആസ്പദമാക്കി നിർമ്മിച്ച ഈ പ്രണയ കഥയിൽ ഗബ്രിക്കൊപ്പം സുനിൽ സുഗത, വിനോദ് കോവൂർ, സീമാജി നായർ, നീനാ കുറുപ്പ്, നീതുദാസ്, ശ്രീദേവി, വിജയൻ ചാത്തനൂർ, നദാൻ കൃസ്റ്റി എന്നിവർ വേഷമിട്ടിട്ടുണ്ട്.പ്രണയവും കുടുംബകഥയും പ്രമേയമായ കഥയിൽ സജീവ് നവകത്തിൻ്റെ ഗാനരചനയിൽ നജിം അർഷാദ്, ഹിഷാം വഹാബ്, ശ്യാം ധർമ്മൻ, മിര എന്നിവർ പാടിയിട്ടുണ്ട്.ഗാനങ്ങൾക്ക് ഏറെ പ്രാധാന്യമുള്ള ഈസിനിമയിൽ ശ്യാം ധർമ്മനാണ് സംഗീത സംവിധാനം നിർവഹിച്ചിട്ടുള്ളത്.വയനാട്, പാലക്കാട്,പൊന്നാനി എന്നിവിടങ്ങളിൽ ചിത്രികരിച്ച ഈ സിനിമ പത്രപ്രവർത്തകനായ റഷീദ് കെ.മൊയ്തുവിൻ്റെ രണ്ടാമത്തെ സിനിമയാണ്.മുജീബ് എടപ്പാൾ ,സജീവ് നവകം,നദാൻ കൃസ്റ്റി,ഉണ്ണി പന്താവൂർ , റഷീദ് കെ. മൊയ്തു എന്നിവർ വാർത്ത സമ്മേളനത്തിൽ പങ്കെടുത്തു.