വ്യാപാരി വ്യവസായി ഏകോപന സമിതി പാലക്കാട് ജില്ലാ കൗൺസിൽ യോഗവും ധനസഹായ വിതരണവും ഇന്ന് വാവനൂരിൽ നടക്കും

കൂറ്റനാട്:കേരള വ്യാപാരി വ്യവസായി ഏകോപന സമിതി പാലക്കാട് ജില്ല കൗൺസിൽ യോഗവും വ്യാപാരി സുരക്ഷ പദ്ധതിയിൽ അംഗങ്ങളായിരുന്ന മരണപ്പെട്ട 3 വ്യാപാരികളുടെ കുടുംബാംഗങ്ങൾക്കുള്ള 30 ലക്ഷം രൂപ ധന സഹായവിതരണവും ജനുവരി 04 ന് ശനിയാഴ്ച കൂറ്റനാട് വാവനൂരിൽ വെച്ച് നടക്കുമെന്ന് ഭാരവാഹികൾ കൂറ്റനാട് പ്രസ് ക്ലബ്ബിൽ നടത്തിയ വാർത്ത സമ്മേളനത്തിൽ അറിയിച്ചു.ജില്ലാ കൗൺസിൽ യോഗം തൃത്താല എം എൽ എ യും – തദ്ദേശ സ്വയം ഭരണ,എക്സ്ക്സൈസ് വകുപ്പ് മന്ത്രിയുമായ എം ബി രാജേഷ് ഉദ്ഘാടനം ചെയ്യും. സംസ്ഥാന വൈസ് പ്രസിഡന്റും പാലക്കാട് ജില്ല പ്രസിഡന്റുമായ ബാബു കോട്ടയിൽ അധ്യക്ഷനാകും.ജില്ലാ ജന. സെക്രട്ടറി കെ. എ. ഹമീദ് , ജില്ലാ ട്രഷറർ കെ.കെ. ഹരിദാസ് എന്നിവർ റിപ്പോർട്ടും വരവ് ,ചിലവ് കണക്കും അവതരിപ്പിക്കും.ജില്ലയിലെ 12 നിയോജകമണ്ഡലങ്ങളിൽ നിന്നായി വ്യാപാരികളും, ജില്ലാ കൗൺസിൽ അംഗങ്ങളുമായി 800 പേർ യോഗത്തിൽ പങ്കെടുക്കും.വാർത്ത സമ്മേളനത്തിൽ ജില്ലാ വൈസ്.പ്രസിഡന്റ് ടി.പി.ഷക്കീർ ,തൃത്താല മണ്ഡലം പ്രസിഡന്റും സ്വാഗത സംഘം ചെയർമാനുമായ കെ.ആർ.ബാലൻ, മണ്ഡലം ജന സെക്രട്ടറി മുജീബ് റഹ്മാൻ, സ്വാഗത സംഘം വൈസ് ചെയർമാൻ ഷമീർ വൈക്കത്ത്, മണ്ഡലം ട്രഷറർ കരീം കുമ്പിടി എന്നിവർ പങ്കെടുത്തു.