സന്തോഷത്തിന്റെയും സമാധാനത്തിന്റെയും ദിനങ്ങൾ പ്രതീക്ഷിച്ചുകൊണ്ട് 2025നെ വരവേറ്റ് ലോകം.
ലോകത്തില് ആദ്യമായി പുതുവർഷം പിറന്നത്. പസഫിക് സമുദ്രത്തിലെ ദ്വീപ് രാഷ്ട്രമായ റിപ്പബ്ലിക്ക് ഓഫ് കിരിബാസിലെ ക്രിസ്തുമസ് ഐലന്റിലാണ് ഇതിന് പിന്നാലെ,ന്യൂസിലാന്റിലും പുതുവർഷത്തെ വരവേറ്റു. ഏറ്റവും അവസാനം പുതുവർഷത്തെ വരവേൽക്കുക അമേരിക്കയിലെ ബേക്കർ ഐലന്റിലാണ്. ഇവിടെ നാളെ ഇന്ത്യൻ സമയം, അഞ്ചരയ്ക്കാണ് പുതുവർഷമെത്തുക.
ഇന്ത്യൻ സമയം ഇന്ന് മൂന്നരയോടെയാണ് ക്രിസ്തുമസ് ഐലന്റിൽ പുതുവർഷം പിറന്നത്. ഇന്ത്യൻ സമയം ഇന്ന് അഞ്ചരയ്ക്ക് ഫിജിയിലും 2025നെ വരവേറ്റു. രാത്രി 11 മണിയോടെ,മ്യാൻമറിലും പതിനൊന്നരയോടെ ബംഗ്ലാദേശിലും പതിനൊന്നേ മുക്കാലിന് നേപ്പാളിലും പുതുവർഷമെത്തി ഇതിന് പിന്നാലെയാണ് ഇന്ത്യയിൽ 12 മണിയോടെ പുതുവർഷത്തെ വരവേറ്റത്.
