ഷൊർണ്ണൂർ-നിലമ്പൂർ പാതയിലെ വാടാനാംകുറുശ്ശിക്ക് സമീപം വിദ്യാർഥിയെ ട്രെയിൻ തട്ടി മരിച്ച നിലയിൽ കണ്ടെത്തി

കുലുക്കല്ലൂർ:ഷൊർണ്ണൂർ-നിലമ്പൂർ പാതയിലെ വാടാനാംകുറുശ്ശിക്ക് സമീപം വിദ്യാർഥിയെ ട്രെയിൻ തട്ടി മരിച്ച നിലയിൽ കണ്ടെത്തി.കുലുക്കല്ലൂർ ചുണ്ടമ്പറ്റ കരിയാട്ടിൽ കളം വീട്ടിൽ വാസുവിന്റെയും കുലക്കല്ലൂർ പഞ്ചായത്ത് സ്ഥിരം സമിതി അധ്യക്ഷയുമായ പി.രജനിയുടെയും മകൻ ബിനുദാസാണ് (16)മരിച്ചത്.വെളളിയാഴ്ച രാത്രിയായിരുന്നു സംഭവം.വാടാനാംകുറുശ്ശിയിലെ അമ്മ വീട്ടിലേക്ക് വന്നതായിരുന്നു.രാത്രി കാണാതായപ്പോൾ വീട്ടുകാർ നടത്തിയ തിരിച്ചിലിലാണ് റെയിൽപാളത്തിൽ മൃതദേഹം കണ്ടെത്തിയത്.ഷൊർണ്ണൂർ പോലീസ് സ്ഥലത്ത് എത്തി മേൽ നടപടികൾ സ്വീകരിച്ചു.ചെർപ്പുളശ്ശേരി ഗവ.ഹയർസെക്കഡറി സ്‌കൂളിലെ പ്ലസ് വൺ വിദ്യാർഥിയാണ്.ഇത്തവണ സംസ്ഥാന സ്‌കൂൾ കായികമേളയിൽ വെയ്റ്റ് ലിഫിറ്റിങ്ങിൽ സ്വർണ്ണ മെഡൽ നേടിയിരുന്നു.സഹോദരങ്ങൾ:ഭവദാസ്,ഭവിൻദാസ്.