ആലങ്കോട് ഗ്രാമപഞ്ചായത്തിനകത്ത് കിഡ്നി മാറ്റിവെച്ച രോഗികൾക്ക് സൗജന്യ മരുന്ന് വിതരണത്തിന് അനുമതി

പൊന്നാനി:ആലങ്കോട് ഗ്രാമ പഞ്ചായത്തിനകത്ത് കിഡ്നി മാറ്റിവെച്ച രോഗികൾക്ക് സൗജന്യ മരുന്ന് വിതരണത്തിന് അനുമതി.പൊന്നാനിയിൽ വച്ച് നടന്ന സംസ്ഥാന സർക്കാരിൻറെ കരുതലും കൈത്താങ്ങും എന്ന പരാതി പരിഹാര അദാലത്തിലാണ് മന്ത്രി നിര്‍ദേശം നല്‍കിയത്.കഴിഞ്ഞ രണ്ടു വർഷമായി പഞ്ചായത്ത് പദ്ധതി തയ്യാറാക്കിയിരുന്നുവെങ്കിലും സങ്കേതിക തടസ്സം മൂലം നടപ്പാക്കാൻ സാധിച്ചിരുന്നില്ല.പഞ്ചായത്ത് മന്ത്രിക്ക് മുന്നില്‍ നിര്‍ദേശം സമര്‍പ്പിച്ചു.ഇതുമായി ബന്ധപ്പെട്ട് ചിയ്യാനൂർ സ്വദേശി സമർപ്പിച്ച പരാതിയിൽ ജില്ലാ കളക്ടർ ഡി.എം.ഒ ക്ക് സാങ്കേതിക തടസ്സങ്ങൾ ഒഴിവാക്കി ആവശ്യമായ മരുന്നിന്റെ പട്ടിക മെഡിക്കൽ ഓഫീസർക്ക് കൈമാറുന്നതിന് നിർദ്ദേശം നൽകി.ഉന്നത നിലവാരത്തിലുള്ള ജനറിക് മെഡിസിനുകളുടെ പട്ടിക തഴാറാക്കുന്നതിന് വേണ്ടി അടുത്ത ദിവസ്സം തന്നെ പഞ്ചായത്ത് കിഡ്നി മാറ്റിവെച്ച വ്യക്തികളുടെ യോഗം വിളിക്കും.ഇത് പ്രകാരം കിഡ്നി മാറ്റിവെച്ച രോഗികൾക്ക് സൗജന്യമായി മരുന്നുകൾ ലഭ്യമാകും